Other News
កិច្ចប្រជុំបូកសរុបការងារនីតិកម្មកសិកម្មឆ្នាំ២០១២ និងទិសដៅអនុវត្តឆ្នាំ២០១៣
ចេញផ្សាយ ២៣ មករា ២០១៨ 2421
កាលពីព្រឹកថ្ងៃទី២០ ខែកុម្ភៈ ឆ្នាំនៅទីស្តីការក្រសួងកសិកម្ម រុក្ខាប្រមាញ់ និងនេសាទ មានកិច្ចប្រជុំបូកសរុបការងារនីតិកម្មកសិកម្មឆ្នាំ២០១២ និងទិសដៅអនុវត្តឆ្នាំ២០១៣ ក្រោមអធិបតីភាពឯកឧត្តមរដ្ឋមន្ត្រី និងមានការចូលរួមពីឯកឧត្តមរដ្ឋលេខាធិការ អនុរដ្ឋលេខាធិការ ប្រតិភូរាជរដ្ឋាភិបាល ប្រធាន អនុប្រធាននាយកដ្ឋាន ប្រធានអនុប្រធានមន្ទីរកសិកម្ម ប្រធានករិយាល័យនិតិកម្មកសិកម្ម ទូទាំង២៤ រាជធានី ខេត្ត និងមន្ត្រីជំនាញពាក់ព័ន្ធមួយចំនួនទៀត។ នាឱកាសនោះលោក អ៊ុក ស៊ីផាន ប្រធានាយកដ្ឋាននីតិកម្មកសិកម្ម បានរាយការណ៍ជូនអង្គពិធីជ្រាបពីលទ្ធផលសម្រេចបាន បញ្ហាប្រឈម និងផែនការអនុវត្តបន្តសម្រាប់ឆ្នាំ២០១។
ឆ្លៀតឱកាសដ៏មានសារៈសំខាន់នេះ ឯកឧត្តមរដ្ឋមន្ត្រី បានកោតសរសើរចំពោះកិច្ចខិតខំប្រឹងប្រែងរបស់ថ្នាក់ដឹកនាំនិងមន្ត្រីរាជការនៃនាយកដ្ឋាននីតិកម្មកសិកម្ម ក្នុងការរៀបចំឲ្យមានកិច្ចប្រជុំនេះដើម្បីត្រួតពិនិត្យនិង វាយតម្លៃលើសកម្មភាពអនុវត្តក្នុងឆ្នាំកន្លងមក ទុកជាបទពិសោធន៍ កែលម្អ រៀនសូត្របំពេញបន្ថែម និងលើកទិសដៅ សកម្មភាពសម្រាប់អនុវត្តនៅឆ្នាំបន្ទាប់។
ក្នុងឆ្នាំ២០១២ នាយកដ្ឋាននេះទទួលបាននូវសមិទ្ធផលជាច្រើនដូចជា ការរៀបចំច្បាប់ស្ដីពីការគ្រប់គ្រងថ្នាំកសិកម្មនិងជីកសិកម្ម ព្រមទាំងលិខិតបទដ្ឋានក្រោមច្បាប់មួយចំនួនទៀតត្រូវបានចូលជាធរមាន ដែលជាទិសដៅសកម្មភាពសំខាន់ៗសម្រាប់ឆ្នាំ២០១៣ ក្នុងបេសកកម្មគ្រប់គ្រងសកម្មភាព ពាណិជ្ជកម្មថ្នាំកសិកម្ម និងជីកសិកម្មប្រកបដោយប្រសិទ្ធភាពនិងសុវត្ថិភាព។
បច្ចុប្បន្ននេះ ការប្រើប្រាស់ជីកសិកម្ម និងថ្នាំកសិកម្មក៏ដូចជាសម្ភារកសិកម្មផ្សេងទៀត កាន់តែកើនឡើងជាលំដាប់។ ជាក់ស្ដែងនៅក្នុងរយៈពេលបីឆ្នាំចុងក្រោយនេះ(២០១០‑២០១២) បរិមាណជីកសិកម្មដែលអនុញ្ញាតឲ្យនាំចូលកើនឡើងជិតបីដងពី ២៥០ពាន់តោនក្នុងឆ្នាំ២០១០ ដល់៦៧០ពាន់តោនក្នុងឆ្នាំ២០១២ ដូចគ្នាដែរ ថ្នាំកសិកម្មបានកើនឡើងពី២.៥០០តោនក្នុងឆ្នាំ២០១០ដល់១០.៥០០តោនក្នុងឆ្នាំ២០១២)។
ទន្ទឹមនឹងកំណើន នេះ បញ្ហាមួយចំនួនក៏ត្រូវបានប្រឈមចំពោះមុខផងដែរ នៅក្នុងក្របខ័ណ្ឌនៃការគ្រប់គ្រងពាណិជ្ជកម្មថ្នាំកសិកម្ម និងជីកសិកម្ម ប្រកបដោយប្រសិទ្ធភាពនិងសុវត្ថិភាព ដើម្បីធានាឲ្យកសិករទទួលបាននូវផលប្រយោជន៍ពិតប្រាកដពីការប្រើប្រាស់ កសិផលត្រូវបានធានាគុណភាព និងសុវត្ថិភាព។
នាយកដ្ឋានបានសម្រេចលទ្ធផលការងារប្រកបដោយផ្លែផ្កាគួរឲ្យកោតសរសើរ ក៏ប៉ុន្តែវិសាលភាពនៃកិច្ចខិតខំប្រឹងប្រែងកន្លងមក នៅមិនទាន់ បំពេញ បានគ្រប់ជ្រុងជ្រោយនៅឡើយ ជាពិសេសបញ្ហាប្រឈមក្នុងការគ្រប់គ្រងពាណិជ្ជកម្មសម្ភារកសិកម្ម នៅលើទីផ្សារ និងការផ្គត់ផ្គង់ចែកចាយទៅឲ្យដល់ដៃកសិករដែលជាអ្នកប្រើប្រាស់ចុងក្រោយ ដូច្នេះទាមទារឲ្យអង្គភាពទាំងមូលបន្តជំរុញអនុវត្តភារកិច្ចថ្មីៗបន្ថែមទៀតទាំងនៅថ្នាក់កណ្ដាល និងថ្នាក់រាជធានី ខេត្ត ហើយត្រូវមានការចូលរួមយ៉ាងសកម្មពីអង្គភាពពាក់ព័ន្ធផ្សេងទៀតចំណុះក្រសួងកសិកម្ម រុក្ខាប្រមាញ់ និងនេសាទ ក៏ដូចជាក្រសួង-ស្ថាប័ន អាជ្ញាធរដែនដីគ្រប់ជាន់ថ្នាក់ និងអង្គភាពមានសមត្ថកិច្ចពាក់ព័ន្ធផ្សេងទៀតផងដែរ។
ឯកឧត្តមរដ្ឋមន្ត្រីផ្ដល់អនុសាសន៍សំខាន់មួយចំនួនជូនថ្នាក់ដឹកនាំនិង មន្ត្រីរាជការយកទៅអនុវត្តនាឆ្នាំ២០១៣ ៖ ១- បន្តសិក្សារៀបចំបទដ្ឋានគតិយុត្តក្រោមច្បាប់ស្តីពីការគ្រប់គ្រងថ្នាំកសិកម្ម និងជីកសិកម្មសម្រាប់កម្មវិធីនីតិកម្មឆ្នាំ ២០១៣ ២- បន្ដអនុវត្តនីតិវិធីនិងពង្រឹងសមត្ថភាពក្នុងការអនុវត្តអនុសញ្ញារ៉ូថឺដាមស្ដីពីនីតិវិធីនៃការយល់ព្រមផ្ដល់ព័ត៌មានជាមុនចំពោះសារធាតុគីមីនិងថ្នាំកសិកម្មគ្រោះថ្នាក់ក្នុងពាណិជ្ជកម្មអន្ដរជាតិ បន្ទាប់ពីព្រះរាជាណាចក្រកម្ពុជាបានចូលរួមក្នុងអនុសញ្ញានេះតាមរយៈព្រះរាជក្រមលេខ នស/រកម/០៩១២/០០៩ ចុះថ្ងៃទី២០ ខែកញ្ញា ឆ្នាំ២០១២ ៣-ពង្រឹងសមត្ថភាពរបស់មន្ត្រីក្នុងការបំពេញតួនាទីជាមន្ត្រីអធិការកិច្ចថ្នាំ និងជីកសិកម្ម និងជំរុញការទទួលនីតិសម្បទាជានគរ បាលយុត្តិធម៌ ៤-ជំរុញការធ្វើអធិការកិច្ច និងពង្រឹងការអនុវត្ដច្បាប់ចំពោះសកម្មភាពពាណិជ្ជកម្មគ្រប់រូបភាពនៅក្នុងទូទាំងប្រទេស ៥-ពង្រឹងការត្រួតពិនិត្យលើការនាំចូលថ្នាំ និងជីកសិកម្មសម្រាប់ការប្រើប្រាស់ក្រៅគោលបំណងពាណិជ្ជកម្ម ជាពិសេសការប្រើប្រាស់របស់ដីសម្បទានសេដ្ឋកិច្ចនិងកសិដ្ឋានកសិឧស្សាហកម្ម ៦-បន្ដអនុវត្តកម្មវិធីផ្សព្វផ្សាយថ្នាក់ក្រោមជាតិ និងថ្នាក់មូលដ្ឋាននូវខ្លឹមសារគោលនិងនីតិវិធីអនុវត្តនៃច្បាប់ស្ដីពីការគ្រប់គ្រងថ្នាំនិងជីកសិកម្ម ៧-បន្ដពង្រឹងសមត្ថភាព មន្ទីរពិ សោធន៍វិភាគគុណភាពជីកសិកម្ម ៨-បន្ដការពង្រឹងសមត្ថភាពរបស់អង្គភាពនីតិកម្មកសិកម្មរាជធានី ខេត្ដតាមរយៈ ការចុះដឹកនាំ ធ្វើអធិការកិច្ច ហ្វឹកហាត់ ការងារ និងផ្ដល់បទពិសោធន៍អនុវត្ដដល់មន្ដ្រីជំនាញដោយផ្ទាល់នៅមូលដ្ឋាន ៩-បន្ដជំរុញការធ្វើអធិការកិច្ច ការត្រួតពិនិត្យ និងការអនុវត្ដច្បាប់ចំពោះសកម្មភាពពាណិជ្ជកម្ម និងមូលដ្ឋានអាជីវកម្មសម្ភារកសិកម្មបន្ថែមទៀត ពិសេសហូរចូលសម្ភារកសិកម្មតាមច្រករបៀងនៃខេត្តជាប់ព្រំដែន តាមផ្លូវទឹកឬផ្លូវគោក ១០-បន្ដជំរុញអនុវត្ដកម្មវិធីអប់រំណែនាំដល់អាជីវករសម្ភារកសិកម្មគ្រប់ប្រភេទក្នុងមូលដ្ឋាន ឲ្យស្នើសុំលិខិត អនុញ្ញាតស្របតាមនីតិវិធី ១១-បន្ដជំរុញអនុវត្ដកម្មវិធីវគ្គអប់រំសមត្ថភាពវិជ្ជាជីវៈ សម្រាប់អាជីវករលក់ដុំលក់រាយសម្ភារកសិកម្ម ក្នុងរាជធានី ខេត្ដសាមី ១២-បន្តជំរុញអនុវត្ដកម្មវិធីផ្សព្វផ្សាយលើកកម្ពស់ការយល់ដឹងអំពី”ការប្រើប្រាស់សម្ភារកសិកម្មប្រកបដោយសុវត្ថិភាព”១៣-បន្ត ជំរុញអនុវត្តការផ្សព្វផ្សាយ អប់រំនៅក្នុងស្រុកនិងឃុំគោលដៅ ដែលប្រមូលផ្ដុំនូវដេប៉ូលក់ចែកចាយសម្ភារកសិកម្ម ដោយតម្រង់ទិសឲ្យអាជីវករបំពេញតួនាទីជាស្ពានចម្លងការយល់ដឹងនេះដើម្បីណែនាំដល់កសិករដែលទិញសម្ភារកសិកម្មយកទៅប្រើប្រាស់ប្រកបដោយគុណភាព និងសុវត្ថិភាព១៤-ជំរុញអនុវត្ដកម្មវិធីផ្សព្វផ្សាយលើកកម្ពស់ការ យល់ដឹងជាសាធារណៈការយល់ដឹងដល់ អ្នកប្រើប្រាស់សម្ភារកសិកម្ម ជាពិសេសនៅតំបន់ជាប់ព្រំដែនដែលមានលំហូរសម្ភារកសិកម្មឆ្លងដែនខុសច្បាប់ ក្នុងរូបភាពយកមកប្រើប្រាស់ឬធ្វើការដោះដូរទំនិញតាមប្រពៃណី ១៥-លើកកម្ពស់អភិបាលកិច្ចល្អក្នុងការបម្រើសេវាសាធារណៈ ១៦-ខិតខំរៀនសូត្រជាប្រចាំអំពីច្បាប់ នីតិវិធី និងបច្ចេក ទេសពាក់ព័ន្ធក្នុងការគ្រប់គ្រងសម្ភារកសិកម្ម ១៧-ពង្រឹងសមត្ថភាពការងារគ្រប់គ្រងទិន្នន័យតាមរយៈប្រព័ន្ធព័ត៌ មានវិទ្យា ១៧-រៀបចំនិងជំរុញអនុវត្ដកម្មវិធីការងារប្រចាំខែ ត្រីមាស ឆមាស និងឆ្នាំ ១៨-អនុវត្ដរបបគ្រប់គ្រងឯកសារឲ្យបានត្រឹមត្រូវតាមគោលការណ៍រដ្ឋបាល និងហិរញ្ញវត្ថុ ១៩-សិក្សារៀបចំផែនការថវិកាផ្អែកតាមកម្មវិធីការ ងារ របស់អង្គភាពប្រចាំឆ្នាំក្នុងក្របខ័ណ្ឌនៃការពង្រឹងសមត្ថភាព ឬសិក្សាគម្រោងដើម្បីស្វែងរកដៃគូអភិវឌ្ឍន៍ ២០-លើកកម្ពស់សាមគ្គីភាពឯកភាពផ្ទៃក្នុងឱ្យបានល្អប្រសើរ ជម្រុះចោលសតិអារម្មណ៍អវិជ្ជមាននិងបន្តកិច្ចសហការគ្នាទៅវិញទៅ ២១-ជំរុញកិច្ចសហការជិតស្និទ្ធជាមួយអាជ្ញាធរដែនដីគ្រប់ថ្នាក់ សមត្ថកិច្ចពាក់ព័ន្ធ កិច្ចឈរជើងនៅព្រំដែនអង្គភាពប្រដាប់អាវុធស្ថាប័នតុលាការដើម្បីពង្រឹងការគ្រប់គ្រងនិងការអនុវត្ដច្បាប់ឲ្យមានប្រសិទ្ធភាព។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
