Other News
ឯកឧត្តមរដ្ឋមន្រ្តី ឌិត ទីណា បានអញ្ជើញចុះពិនិត្យកសិដ្ឋានចិញ្ចឹមសេះ និងគោមួយកន្លែងដើម្បីផលិតបានពូជសុទ្ធល្អនៅខេត្តកែប
ចេញផ្សាយ ២៤ វិច្ឆិកា ២០២២ 6665
កម្មវិធីទី១៖ ២២-១១-២០២២ ឯកឧត្តមរដ្ឋមន្រ្តីបានចុះពិនិត្យកសិដ្ឋានចិញ្ចឹមសេះ និងគោមួយកន្លែងដើម្បីផលិតបានពូជសុទ្ធល្អនៅខេត្តកែប =========🐂🐂🐂🐎🐎🐎========== នាព្រឹកថ្ងៃទី២២ ខែវិច្ឆិកា ឆ្នាំ២០២២ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ អមដំណើរដោយថ្នាក់ដឹកនាំក្រសួង និងអាជ្ញាធរខេត្ត ចុះត្រួតពិនិត្យកសិដ្ឋានចិញ្ចឹមសេះ និងគោពូជប្រម៉ាន់របស់កសិដ្ឋាន SV RANCH CAMBODIA ដែលមានទីតាំងនៅភូមិចំការបី ឃុំពងទឹក ស្រុកដំណាក់ចង្អើរ ខេត្តកែប។ ក្នុងដំណើរបំពេញបេសកកម្មនេះ ឯកឧត្តមរដ្ឋមន្រ្តីបានធ្វើការកោតសរសើរ និងវាយតម្លៃខ្ពស់ដល់ម្ចាស់កសិកដ្ឋានដែលបានខិតខំបង្កាត់ពូជគោសុទ្ធប្រាម៉ាន់ និងពូជសេះប្រណាំង នៅក្នុងតំបន់ក្នុងគោលបំណងកាត់បន្ថយការចំណាយក្នុងការទិញចូលទឹក ស្ពែមគោពីបរទេសមកបង្កាត់នៅកម្ពុជា ។ ក្នុងពេលនោះដែរ ឯកឧត្តមរដ្ឋមន្រ្តីបានធ្វើការកត់សម្គាល់ថា ចំពោះកសិដ្ឋានគួរគិតគូ និងប្រៀបធៀបទៅលើការចំណាយទិញទឹកស្ពែមគោពីក្រៅប្រទេស និងការផលិតនៅក្នុងស្រុកតើមួយណាចំណាយច្រើនជាងប្រសិនបើការផលិតក្នុងស្រុកចំណាយតិចជាងនោះ កសិដ្ឋានគួរតែសហការជាមួយមន្ត្រីជំនាញរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីផលិតទឹកស្ពែមនេះ ដែលមានភាពងាយស្រួលក្នុងការពង្រីក និងផ្សព្វផ្សាយបានលឿន ចំណេញពេលវេលា និងថវិកា។ ម្យ៉ាងទៀតដើម្បីឱ្យមានភាពទាក់ទាញនៅក្នុងកសិដ្ឋានយើងគួរតែរៀបចំនូវព្រឹត្តិការណ៍ប្រលងប្រណាំង លក្ខណសម្បត្តិ គោ ដោយមានការចូលរួមពីកសិដ្ឋានមកពីតំបន់ផ្សេងៗ៕
