Other News
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយលោក Khalid El Harizi នាយកកម្មវិធីរបស់មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ប្រចាំនៅព្រះរាជាណាចក្រកម្ពុជា
ចេញផ្សាយ ២៣ មករា ២០១៨ 2344
នៅព្រឹកថ្ងៃទី០៥ ខែកុម្ភៈ ឆ្នាំ២០១៤ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបសវនាការជាមួយលោក Khald El Harizi នាយកកម្មវិធីរបស់មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ប្រចាំនៅព្រះរាជាណាចក្រកម្ពុជា និងសហការី នៅទីស្តីការក្រសួង។ ឯកឧត្តមរដ្ឋមន្ត្រីបានថ្លែងអំណរគុណចំពោះការគាំទ្ររបស់ IFAD ក្នុងកិច្ចអភិវឌ្ឍន៍កសិកម្មនៅកម្ពុជាដែលមានកន្លងមក រាប់ចាប់តាំងពីគម្រោងអភិវឌ្ឍន៍កសិកម្មគាំទ្រកម្មវិធីសិលា(ADESS) ក្នុងរង្វង់ទសវត្សរ៍ទី៩០ មកម្ល៉េះ ហើយបន្តរហូតដល់គម្រោងកាត់បន្ថយភាពក្រីក្រនៅតំបន់ជនបទ (RPRP)គម្រោងលើកកម្ពស់ជីវភាពរស់នៅតាមជនបទ (RULIP) ហើយចុងក្រោយនេះ គម្រោងអភិវឌ្ឍន៍កសិកម្មនិងជំរុញកំណើនសេដ្ឋកិច្ច (PADEE) ។
លោក Khalid បានរំលឹកអំពីកិច្ចសហការអនុវត្ត និងដោះស្រាយការលំបាកនានា ដែលក្រសួងកសិកម្ម រុក្ខាប្រមាញ់ និងនេសាទ បាននិងកំពុងខិតខំប្រឹងប្រែងដើម្បីសម្រេចបាននូវទិសដៅគម្រោងទាំងនោះឱ្យបានជោគជ័យជាបន្តបន្ទាប់។ គោលបំណងនៃបេសកកម្មរបស់លោកនាពេលនេះ គឺដើម្បីលើកនូវគម្រោងថ្មីមួយទៀតដែលមានឈ្មោះថា កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងអាកាសធាតុ (ASPIRE) ដែលនឹងចាប់ផ្តើមអនុវត្តចាប់ពីឆ្នាំ ២០១៥ រហូតដល់ឆ្នាំ២០២១ នៅតាមបណ្តាខេត្តគោលដៅចំនួន១០ ដោយចង់ឱ្យមានជាអនុកម្មវិធីតាមខេត្តនីមួយៗ ដើម្បីធានាបាននូវនិរន្តរភាពនៃការអនុវត្តកម្មវិធីក៏ដូចជារចនាសម្ព័ន្ធ និងធនធានមនុស្សដែលបានបណ្តុះបណ្តាលនៅពេលអនុវត្តកម្មវិធី។
ជាការឆ្លើយតបឯកឧត្តមរដ្ឋមន្ត្រីបានអបអរសាទរនិងគាំទ្រចំពោះការបង្កើតកម្មវិធីនេះ ក្នុងទិសដៅបង្កើនផលិតភាពកសិកម្ម ដែលបាននឹងកំពុងប្រឈមទៅនឹងការប្រែប្រួលអាកាសធាតុពីមួយឆ្នាំទៅមួយឆ្នាំផង និងការស្វែងរកទីផ្សារសម្រាប់កសិផល ដែលមានកំណើនជាលំដាប់ផង ស្របតាមយុទ្ធសាស្ត្រចតុកោណដំណាក់ទី៣របស់រាជរដ្ឋាភិបាល ក៏ដូចជាគោលនយោបាយស្តីពីការជំរុញផលិតកម្មស្រូវ និងការនាំចេញអង្ករឱ្យបានយ៉ាងតិច១លានតោននៅឆ្នាំ២០១៥និងមានការទទួលស្គាល់គុណភាពតាមស្តង់ដារទីផ្សារអន្តរជាតិ។ ឯកឧត្តមរដ្ឋមន្ត្រីបានរំលឹកអំពីភាពជោគជ័យដែលកម្មវិធីសិលាទទួលបានដែលកាលនោះកម្ពុជាពុំទាន់មាននូវគោលនយោបាយវិមជ្ឈការនិងវិសហមជ្ឈការទេហើយទិសដៅរួមនោះគឺការផ្តល់អំណាចនិងលទ្ធភាពដល់មូលដ្ឋានខេត្ត ស្រុក រហូតដល់ឃុំ។ បច្ចុប្បន្នរាជរដ្ឋាភិបាលបាននិងកំពុងអនុវត្តកំណែទម្រង់ថវិកាសាធារណៈតាមយន្តការថវិកាតាមកម្មវិធីដែលមានរចនាសម្ព័ន្ធច្បាស់លាស់គឺ កម្មវិធីជាការទទួលខុសត្រូវនៅកម្រិតក្រសួង ហើយអនុកម្មវិធីជាការទទួលខុសត្រូវនៅកម្រិតអង្គភាពក្រោមឱវាទក្រសួង ដែលមានការកំណត់សូចនាករច្បាស់លាស់។ ប៉ុន្តែទោះជាយ៉ាងណាសម្រាប់ការអនុវត្តនៅថ្នាក់ខេត្ត ឯកឧត្តមរដ្ឋមន្ត្រីនឹងធ្វើការសម្របសម្រួលរកយន្តការជូន IFAD ដើម្បីធ្វើយ៉ាងណាឱ្យកម្មវិធី ASPIRE នេះត្រូវបានអនុវត្តក្នុងឆ្នាំ២០១៥ ខាងមុខដោយរលូននិងទទួលបានជោគជ័យក្នុងទិសដៅផ្តល់នូវផលប្រយោជន៍យ៉ាងច្រើនដល់ប្រជាពលរដ្ឋកម្ពុជាស្របតាមគោលនយោបាយរបស់រាជរដ្ឋាភិបាល។
លោក Khalid ក៏បានបញ្ជាក់ថា IFAD នៅមានពេលច្រើនដើម្បីជួបពិភាក្សាលម្អិតជាមួយថ្នាក់ដឹកនាំអង្គភាពជំនាញនៃក្រសួងសេដ្ឋកិច្ច និងហិរញ្ញវត្ថុ និងក្រសួងកសិកម្ម រុក្ខាប្រមាញ់ និងនេសាទ បន្តទៀត។ ទន្ទឹមនឹងនេះលោក Khalid ក៏បានគោរពអញ្ជើញឯកឧត្តមរដ្ឋមន្ត្រីទៅចូលរួមប្រជុំប្រចាំឆ្នាំក្រុមប្រឹក្សាភិបាលរបស់ IFAD ដែលកិច្ចប្រជុំនោះនឹងផ្តោតការយកចិត្តទុកដាក់លើប្រធានបទ “សហគមន៍កសិករ” ដែលសមស្របបំផុតសម្រាប់កម្ពុជា ដែលមានប្រជាជនភាគច្រើនលើសលប់ជាកសិករនិងការកំណត់ទិសដៅការងារសម្រាប់ឆ្នាំបន្ទាប់ផង។
ឯកឧត្តមបណ្ឌិតរដ្ឋមន្ត្រីក៏បានអបអរសាទរនឹងទទួលយកការអញ្ជើញនេះ ដោយសង្ឃឹមថានឹងមានគណៈប្រតិភូក្រសួងកសិកម្ម រុក្ខាប្រមាញ់ និងនេសាទកម្ពុជាទៅចូលរួមក្នុងកិច្ចប្រជុំនេះតាមកាលកំណត់។ កិច្ចសវនការនេះបានប្រព្រឹត្តទៅក្នុងបរិយាកាសសិ្នទ្ធស្នាលនិងសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
