Other News
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយ ឯកឧត្ដម William E. Todd ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា
ចេញផ្សាយ ២៣ មករា ២០១៨ 2503
នៅរសៀលថ្ងៃទី១៧ ខែមករា ឆ្នាំ២០១៤ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ បានទទួលជួបសវនាការជាមួយ ឯកឧត្ដម William E. Todd ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា និងសហការី នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។
ឯកឧត្តមរដ្ឋមន្ត្រីបានជម្រាបជូនភ្ញៀវយ៉ាងច្បាស់ថាវិស័យកសិកម្មនៅតែដើរតួយ៉ាងសំខាន់គ្រប់កាលៈទេសៈ ក្នុងការអភិវឌ្ឍន៍សេដ្ឋកិច្ចការជំរុញកំណើន GDP ការអភិវឌ្ឍន៍ជនបទ និងការធានាសន្តិសុខស្បៀង ដែលមានចែងយ៉ាងច្បាស់ នៅក្នុងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាល និងបានថ្លែងអំណរគុណឯកឧត្ដមឯកអគ្គរដ្ឋទូត និងសហការី ចំពោះការជួយគាំទ្រទាំងផ្នែកថវិកា បច្ចេកទេស និងការអភិវឌ្ឍន៍ធនធានមនុស្សសម្រាប់វិស័យកសិកម្មនៅកម្ពុជា ជាពិសេសជំនួយកាត់បន្ថយភាពក្រីក្ររបស់ប្រជាជនរស់នៅតំបន់ជនបទ។
ឯកឧត្ដម William E. Todd បានសម្ដែងនូវការអបអរសាទរចំពោះការចូលកាន់តំណែងថ្មីរបស់ឯកឧត្ដមរដ្ឋមន្ត្រី និងបានជម្រាបជូនអំពីកិច្ចសហប្រតិបត្ដិការយ៉ាងជិតស្និទ្ធកន្លងមក។ ក្នុងចំណោមកម្មវិធីជាច្រើន សម្រាប់កម្ពុជា មានកម្មវិធីមួយចំនួនពាក់ព័ន្ធនឹងវិស័យកសិកម្ម ព្រៃឈើ ជលផល និងការផ្ដល់អាហារូបករណ៍បណ្ដុះបណ្ដាលជំនាញបច្ចេកទេសតាមរយៈ USAID ក៏ដូចជាស្ថានទូតដែលបាននិងកំពុងព្យាយាមនាំយកមកនូវធុរកិច្ចកសិកម្មទំនើបមកកម្ពុជា ក្នុងន័យជួយប្រជាពលរដ្ឋឲ្យរកប្រាក់ចំណូលបានច្រើនពីការប្រកបរបរកសិកម្ម និងការផ្លាស់ប្តូរពីការធ្វើកសិកម្មយថាផលឆ្ពោះទៅកសិពាណិជ្ជកម្មវិញ។
កម្មវិធីមួយក្នុងចំណោមកម្មវិធីទាំងនោះគឺ សហរដ្ឋ អាមេរិក បានផ្តួចផ្ដើមកម្មវិធីស្ដីពី “ ការចិញ្ចឹមពិភពលោកនាពេលអនាគត ” ក្នុងនោះមាន ប្រទេសចំនួន២០ នៅលើពិភពលោក រួមទាំងកម្ពុជា ត្រូវបានជ្រើសរើស ដើម្បីចូលរួមអនុវត្តកម្មវិធីនេះ។ ក្នុងគោលបំណងចែករំលែក បទពិសោធន៍ មេរៀនល្អៗក្នុងចំណោមប្រទេសទាំង២០នេះ ហើយផ្តោតលើអនុវិស័យជលផល និងសាកវប្បកម្ម រួមមានបន្លែ ឈើហូបផ្លែ ដែល ជាអនុវស័យសំខាន់នៃវិស័យកសិកម្ម ក្នុងការចូលរួមដោះស្រាយបញ្ហាកង្វះអាហារូបត្ថម្ភ ក្នុងន័យជួយជំរុញការអភិវឌ្ឍន៍សេដ្ឋកិច្ច បង្កើតការងារ សម្រាប់ជនក្រីក្រដើម្បីជួយប្រជាពលរដ្ឋអាចទទួលបានការងារធ្វើ និងប្រាក់ចំណូលខ្ពស់។
ឯកឧត្ដមឯកអគ្គរដ្ឋទូតបានរំលឹកអំពីការអនុវត្តគម្រោងស្ដីពីឥណទានកាបោន (Carbon Credit) នៅខេត្តឧត្តរមានជ័យ ក្នុងគោលបំណងផ្ដល់ឥណទានកាបោន ដល់សហគមន៍ក្នុងការថែរក្សាព្រៃឈើ និងកំពុងរៀបចំឲ្យមានការសន្ទនារវាងសហគមន៍មូលដ្ឋាន និងអ្នកពាក់ព័ន្ធ ទាំងអស់ ក្នុងគោលបំណង ធ្វើការសម្រេចចិត្តរួមគ្នាក្នុងការថែរក្សាការពារព្រៃឈើ ព្រមទាំងបានបង្ហាញអំពីវិធីការដកហូត ប្រមូលផលព្រៃឈើ ឬ ការដាំប្រភេទដំណាំផ្សេងទៀតជំនួសលើដីព្រៃឈើដែលបានដកហូត ព្រមទាំងវិធីចិញ្ចឹមជីវិតផ្សេងទៀតសម្រាប់ប្រជាពលរដ្ឋ ដែលពឹងផ្អែកទាំងស្រុងលើព្រៃឈើ។ ឯកឧត្តមទូតក៏បានលើកផងដែរពីការបារម្ភអំពីការកសាងទំនប់ ការអភិវឌ្ឍន៍ទន្លេ មេគង្គ និងការសាងសង់ទំបន់នៅប្រទេសឡាវ ដែលអាចមានផលប៉ះពាល់លើវិស័យជលផល ដីកសិកម្ម ជីវភាពរស់នៅរបស់ប្រជាជននៅខ្សែទឹក ខាងក្រោមផងដែរ ដែលគួរពិចារណាទាំងអស់គ្នា។
ឯកឧត្តមរដ្ឋមន្ត្រីបានជម្រាបជូនថា ដើម្បីសម្រេចកិច្ចការនេះ រដ្ឋាភិបាលកម្ពុជាក៏ដូចជាក្រសួងកសិកម្ម រុក្ខាប្រមាញ់ និងនេសាទនៅតែត្រូវការការចូលរួមចំណែក ក្នុងជួយគាំទ្រទាំងថវិកា និងបច្ចេកទេសពីបណ្តាប្រទេសជាមិត្តនិងគ្រប់ដៃគូទាំងអស់ដែលនៅទីនេះមានឯកឧត្តមទូតសហរដ្ឋអាមេរិក USAID ដែលជាដៃគូដ៏សំខាន់ក្នុងការអភិវឌ្ឍវិស័យកសិកម្មឱ្យបានគ្រប់ជ្រុងជ្រោយដូចដែលឯកឧត្តមទូតបានរៀបរាប់ខាងលើ។ ទាក់ទងនឹងគម្រោងឥណទានកាបោននៅខេត្តឧត្តរមានជ័យ ឯកឧត្ដមរដ្ឋមន្ត្រីបានគាំទ្រនិងបញ្ជាក់ថា គម្រោងសហប្រតិបត្តិការ និងវិនិយោគនេះ អាចកាត់បន្ថយការកាប់ឈើខុសច្បាប់ ហើយអាចជួយសហគមន៍មូលដ្ឋានទទួលបានប្រយោជន៍ពីឥណទានកាបោននេះ ហើយឯកឧត្តមរដ្ឋមន្ត្រីនិងជំរុញឲ្យអង្គភាពជំនាញចូលរួមសហការអនុវត្តឱ្យបានល្អប្រសើរ។ ជាទីបញ្ចប់ ឯកឧត្តមរដ្ឋមន្ត្រីបានថ្លែងអំណរគុណចំពោះស្ថានទូត និងរដ្ឋាភិបាលសហរដ្ឋអាមេរិក ដែលបាន ប្ដេជ្ញាបន្តជួយប្រជាជនកម្ពុជា និងបានបញ្ជាក់ថា ក្រសួងកសិកម្ម រុក្ខាប្រមាញ់ និងនេសាទនឹងចូលរួមសហការឲ្យអស់លទ្ធភាពជាមួយស្ថានទូត និងក្រុមការងាររបស់ស្ថាប័ន USAID ក្នុងការជំរុញការអភិវឌ្ឍន៍វិស័យកសិកម្ម។
កិច្ចសវនាការ និងជំនួបពិភាក្សាការងារបានប្រព្រឹត្តទៅប្រកបដោយបរិយាកាសរីករាយ ស្និទ្ធស្នាល និងកិច្ចសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
