Other News
ឯកឧត្ដមបណ្ឌិត អ៊ុក រ៉ាប៊ុនជួបពិភាក្សាជាមួយលោក CHEN LIN អគ្គនាយកនៃនាយកដ្ឋានសហប្រតិបត្ដិការសេដ្ឋកិច្ច និងការវិនិយោគក្រៅប្រទេស នៃក្រសួង ពាណិជ្ជកម្មនៃសាធារណរដ្ឋប្រជាមានិតចិន
ចេញផ្សាយ ២៣ មករា ២០១៨ 2558
ឯកឧត្ដម បណ្ឌិត អ៊ុក រ៉ាប៊ុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានស្វាគមន៍យ៉ាងកក់ក្ដៅ ចំពោះលោក CHEN LIN អគ្គនាយកនៃនាយកដ្ឋានសហប្រតិបត្ដិការសេដ្ឋកិច្ច និងការវិនិយោគក្រៅប្រទេស នៃក្រសួង ពាណិជ្ជកម្មនៃសាធារណរដ្ឋប្រជាមានិតចិនដែលបានមកបំពេញបេសកកម្មនៅកម្ពុជា និងពិភាក្សាអំពីកិច្ចសហប្រតិបត្ដិការ ក្នុងវិស័យកសិកម្មនិងព្រៃឈើរវាងក្រសួងទាំងពីរឱ្យកាន់តែជិតស្និទ្ធនិងល្អប្រសើរមួយកម្រិតថែមទៀត។ ឯកឧត្ដមរដ្ឋមន្ដ្រី បានលើកឡើងថា បច្ចុប្បន្ននេះ រាជរដ្ឋាភិបាលបានខិតខំអនុវត្ដផែនការយុទ្ធសាស្ដ្រសហប្រតិបត្ដិការគ្រប់ជ្រុងជ្រោយក្នុង ក្របខណ្ឌកិច្ចសហប្រតិបត្ដិការជាដៃគូ ជាមួយភាគីចិន ហើយយើងនឹងពិនិត្យរួមគ្នាអំពីផែនការអភិវឌ្ឍន៍ក្នុងវិស័យដែល បានលើកឡើងខាងលើក៏ដូចជាការសម្រួលដល់លក្ខខណ្ឌទាំងឡាយក្នុងកិច្ចការវិនិយោគរវាងប្រទេសទាំងពីរឱ្យមានលក្ខណៈ សង្គតភាព ដើម្បីសម្រេចបាននូវគោលនយោបាយថ្នាក់ជាតិរបស់ប្រទេសទាំងពីរ ជាពិសេសជាមួយសាធារណរដ្ឋប្រជា មានិតចិន ដែលជាមិត្ដជិតខាងដ៏ល្អតាំងពីយូរលង់ណាស់មកហើយ។ សូមជម្រាបជូនថា កិច្ចសវនាការនេះបានប្រព្រឹត្ដទៅ កាលពីរសៀលថ្ងៃទី១១ ខែ មីនា ឆ្នាំ២០១៤ នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។
លោក CHEN LIN អគ្គនាយកនៃនាយកដ្ឋានសហប្រតិបត្ដិការសេដ្ឋកិច្ច និងការវិនិយោគក្រៅប្រទេស នៃ ក្រសួងពាណិជ្ជកម្មនៃសាធារណរដ្ឋប្រជាមានិតចិន បានថ្លែងអំណរគុណយ៉ាងជ្រាលជ្រៅចំពោះប្រសាសន៍របស់ ឯកឧត្ដមរដ្ឋមន្ដ្រី ដែលបានលើកឡើងអំពីសារៈសំខាន់នៃផែនការយុទ្ធសាស្ដ្រកិច្ចសហប្រតិបត្ដិការគ្រប់ជ្រុងជ្រោយជាដៃគូកម្ពុជា-ចិន ហើយបានជម្រាបជូនអំពីគោលបំណងរបស់លោកក្នុងកិច្ចសវនការជាមួយ ឯកឧត្ដមរដ្ឋមន្ដ្រី នាពេលនេះគឺដើម្បីស្វែង យល់ និងពិភាក្សាទៅលើកិច្ចសហប្រតិបត្ដិការរវាងក្រសួងទាំងពីរ ក្នុងន័យធ្វើយ៉ាងណាឱ្យការវិនិយោគរបស់ក្រុមហ៊ុន ឯកជនចិនមានឱកាសបានមកវិនិយោគក្នុងវិស័យកសិកម្មនិងព្រៃឈើនៅកម្ពុជាឱ្យកាន់តែមានភាពល្អប្រសើរឡើងដើម្បី ផលប្រយោជន៍នៃប្រទេសទាំងពីរ ពោលគឺ ចង់ឱ្យវិនិយោគិនទាំងនោះស្គាល់អំពីស្ថានភាពនៃប្រទេសដែលគេត្រូវវិនិយោគ ដោយអនុលោមទៅតាមគោលនយោបាយនៃប្រទេសនោះផងដែរ។ លោកអគ្គនាយកបានលើកឡើងថា ក្រសួងទាំងពីរ គួររៀបចំចេញជាផែនការវិនិយោគ និងសហប្រតិបត្ដិការសេដ្ឋកិច្ចមួយ ដើម្បីងាយស្រួលក្នុងការកំណត់នូវវិស័យវិនិយោគ ជាអាទិភាព និងការអនុវត្ដឱ្យមានប្រសិទ្ធភាពខ្ពស់។ លោកអគ្គនាយកក៏បានបញ្ជាក់បន្ថែមទៀតថា ក្រសួងពាណិជ្ជកម្ម នៃសាធារណរដ្ឋប្រជាមានិតចិន បានរៀបចំផែនការសហប្រតិបត្ដិការ សេដ្ឋកិច្ច និងវិនិយោគតាមរូបភាពនេះជាមួយ ប្រទេសរុស្សី និងអូស្ដ្រាលីផងដែរ ហើយលោកក៏បានសន្យាថា នៅពេលត្រឡប់ទៅវិញ លោកនឹងរៀបចំនូវពង្រាង ផែនការសហប្រតិបត្ដិការមួយ រួចផ្ញើមកភាគីកម្ពុជាតាមរយៈ ការិយាល័យពាណិជ្ជកម្ម និងសេដ្ឋកិច្ច នៃស្ថានទូតចិនប្រចាំ នៅកម្ពុជា។
ឆ្លើយតបទៅនឹងសំណើរបស់ភាគីចិនលើការរៀបចំផែនការវិនិយោគ និងកិច្ចសហប្រតិបត្ដិការសេដ្ឋកិច្ចក្នុងវិស័យ ព្រៃឈើ និងកសិកម្មនោះ ឯកឧត្ដមរដ្ឋមន្ដ្រី បានគាំទ្រនូវសំណើនេះ ហើយក្រសួងកសិកម្ម រុក្ខាប្រមាញ់ និងនេសាទនឹង ត្រៀម លក្ខណៈសហការក្នុងការរៀបចំផែនការនៃកិច្ចសហប្រតិបត្ដិការនេះឱ្យទទួលបានជោគជ័យទៅតាមរបៀបវារៈជាក់ ស្ដែងនៃកិច្ចសហប្រតិបត្ដិការរវាងប្រទេសទាំងពីរក្នុងស្មារតីយោគយល់គ្នាទៅវិញទៅមក។
កិច្ចសវនការនេះ បានបញ្ចប់នៅវេលាម៉ោង ១៦ និង ៣០ នាទី នាថ្ងៃ ខែ ឆ្នាំដដែល ក្នុងបរិយាកាស ស្និទ្ធស្នាល និងសហប្រតិបត្ដិការខ្ពស់។
