ការផ្តល់ទំនុកចិត្តគ្នារវាងសហគមន៍ផលិត និងទីផ្សារ ជាគន្លឹះនាំទៅរកភាពជោគជ័យនៃផលិតកម្មកសិកម្មតាមកិច្ចសន្យា

ចេញ​ផ្សាយ​ ១៧ មីនា ២០២៣ 1849

ថ្ងៃទី១៥ ខែមីនា ឆ្នាំ២០២៣ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានជួបសំណេះសំណាល និងតម្រង់ទិស អនុវត្តការងារសហគមន៍កសិកម្ម ក្នុងអង្គមហាសន្និបាតបូកសរុបលទ្ធផលការងារប្រចាំឆ្នាំ២០២២ របស់សហគមន៍កសិកម្មម្រេចសរីរាង្គត្រមូងមេមត់ ស្ថិតនៅភូមិជាំទ្រៀក ឃុំត្រមូង ស្រុកមេមត់ ដែលមានថ្នាក់ដឹកនាំ សមាជិក សមាជិកាចូលរួមសរុបចំនួន ៥៧នាក់ ក្នុងនោះស្រី ២១នាក់ និងភ្ញៀវកិត្តិយសមកពី រដ្ឋបាលស្រុកមេមត់ ឃុំត្រមូង អង្គការCIRD តំណាងក្រុមហ៊ុនឯកជនប្រមូលទិញម្រេច រួមមានក្រុមហ៊ុន Sela Pepper ក្រុមហ៊ុន Fuchs, និងក្រុមហ៊ុន Olam ផងដែរ។

បច្ចុប្បន្នសហគមន៍កសិកម្ម ជាតួអង្គមួយយ៉ាងសំខាន់ ក្នុងការចូលរួមអនុវត្តគោលនយោបាយរបស់រាជ រដ្ឋាភិបាល ក្នុងការពង្រីកទំហំផលិតកម្មកសិកម្ម ដើម្បីផ្សារភ្ជាប់ទៅកាន់ទីផ្សារ។ សហគមន៍កសិកម្មពពេលមានជ័យត្រូវបានបង្កើតឡើងតាំងពីឆ្នាំ២០១៦ ក្រោមការសម្របសម្រួលរបស់មន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ ដែលមកដល់ពេលនេះមានសមាជិកសរុបចំនួន ១២៨ នាក់ ស្រី ១៧នាក់ ជាភាគហ៊ុន ១៤៦ហ៊ុន ដែល១ហ៊ុនមានតម្លៃ ១០០,០០០រៀល និងមានតម្លៃហ៊ុន សរុបចំនួន ១៤,៦០០, ០០០រៀល ព្រមទាំងសហគមន៍សរុបទុនចំនួន ១០០,១១០,២០០រៀល។