Other News
ឯ.ឧ ច័ន្ទ សារុន បានដឹកនាំប្រតិភូក្រសួង ចុះសួរសុខទុក្ខ និងញំនាំយកនូវអំណោយ ជាគ្រឿងឧបភោគ បរិភោគទៅប្រគល់ជូន ក្រុមយុវជនស្ម័គ្រចិត្ដ របស់សម្ដេចតេជោនាយករដ្ឋមន្ដ្រីនៅខេត្ដកំពង់ឆ្នាំង
ចេញផ្សាយ ២២ មករា ២០១៨ 2492
កាលពីថ្ងៃទី២៦ សីហា ២០១២ កន្លងមកនេះ ឯ.ឧ ច័ន្ទ សារុន បានដឹកនាំប្រតិភូក្រសួង ដោយមានការចូលរួមពីសំណាក់ ថ្នាក់ដឹកនាំខេត្ដ ស្រុក ឃុំ បានចុះសួរសុខទុក្ខ និងញំនាំយកនូវអំណោយជាគ្រឿងឧបភោគ បរិភោគទៅប្រគល់ជូនក្រុមយុវជន ស្ម័គ្រចិត្ដរបស់សម្ដេចតេជោនាយករដ្ឋមន្ដ្រី នៅភូមិស្លែង ឃុំទួលខ្ពស់ ស្រុកទឹកផុស ខេត្ដកំពង់ឆ្នាំង។
តាមរបាយការណ៍របស់លោកណុប សុខា តំណាងក្រុមយុវជនស្ម័គ្រចិត្ដបានឱ្យដឹងថា កំលាំងយុវជនដែលចុះមកបំពេញ ការងារ ក្នុងខេត្ដកំពង់ឆ្នាំងមាន៧ក្រុម ក្នុងនោះស្រុកទឹកផុសមាន៣ក្រុម គឺក្រុម៨៥ ៨៦ និងក្រុម៨៧ ដែលបានចុះអនុវត្ដនៅ ឃុំក្រាំងស្គា ទួលខ្ពស់ និងឃុំក្បាលទឹក។
លទ្ធផលគិតត្រឹមថ្ងៃទី២៥ សីហា ២០១២ សំរេចបំពេញសាលាកប័ត្របាន១៨.០៧៦ ក្បាលដីស្មើនឹង ៧.៧៤៥គ្រួសារ វាស់វែងលំអិតក្បាលដីបាន២.៦១០ក្បាលដី ស្មើនឹង ២.០៨១គ្រួសារ បញ្ចូលក្នុងសំរង់បញ្ជី ឈ្មោះម្ចាស់ដីបាន ៣.៨៤១គ្រួសារ គូរផែនទីក្បាលដីបាន ១.៩២៤ក្បាលដី និងបំពេញទំរង់ប្រមូលទិន្នន័យបាន ៤៨៧ក្បាលដី។
លោកបានបន្ថែមទៀតថា ដោយពេលនេះជារដូវវស្សាធ្វើឱ្យការចុះបំពេញការងាររបស់ក្រុមត្រូវបានរំខាន និង រាំងស្ទះ ដោយ ភ្លៀងជាញឹកញាប់ ជាពិសេសពេលល្ងាច ដូច្នេះបានបង្កការលំបាកដល់ផែនការដែលបានគ្រោងទុក។
ក្រោយបានស្ដាប់មតិ ចំណាប់អារម្មណ៍របស់ឯកឧត្ដមចាន់ សុវុឌ្ឍ ប្រធានសហព័ន្ធនិស្សិត បញ្ញាវ័ន្ដ ប្រជាធិបតេយ្យកម្ពុជា និងមតិស្វាគមន៍របស់ឯកឧត្ដម ទូច ម៉ារីម អភិបាលខេត្ដកំពង់ឆ្នាំង រួចមក ឯកឧត្ដមច័ន្ទ សារុន បានញំនាំនូវការផ្ដាំផ្ញើការសួរសុខ ទុក្ខពីសំណាក់សម្ដេច និងលោកជំទាវកិត្ដិព្រឹទ្ធបណ្ឌិត ដែលតែងតែយកចិត្ដទុកដាក់ ចំពោះក្រុមនិស្សិតស្ម័គ្រចិត្ដចុះវាស់វែងដីធ្លីជូន ប្រជាពលរដ្ឋដែលកំពុងដំណើរការគោលនយោបាយចាស់ សកម្មភាពថ្មីលើវិស័យដីធ្លីនាពេលនេះ។
ឯកឧត្ដមច័ន្ទ សារុន បានកោត សរសើរនិងវាយតំលៃខ្ពស់ចំពោះបេសកកម្មរបស់ក្រុមយុវជនស្ម័គ្រចិត្ដទាំងអស់ថា ជាគំរូវីរភាពមួយដ៏ល្អសម្រាប់យុវជនជំនាន់ ក្រោយៗទៀត ពោលគឺជាបេសកកម្មជាប្រវត្ដិសាស្ដ្រក្នុងឆាកជីវិតរបស់ប្អូន។ ឯកឧត្ដមច័ន្ទ សារុន បានសង្កត់ធ្ងន់ថា ក្នុងតួនាទីជា និស្សិតដែលភាគច្រើន សិក្សាលើផ្នែកទ្រឹស្ដីនៅសាលា ពេលនេះមានឱកាសបានបង្កើនចំណេះដឹង បានឃើញផ្ទាល់ពីជីវភាពរស់នៅ ពិតប្រាកដរបស់ប្រជាកសិករ ស្គាល់ពីសម្បត្ដិធនធានធម្មជាតិ និងស្ថានភាពភូមិសាស្ដ្រទឹកដីអង្គរបវរនៃយើង។
ជាមួយនោះក៏ បានធ្វើការក្រើនរំលឹកដល់ក្រុមយុវជនស្ម័គ្រចិត្ដទាំងអស់ ត្រូវខិតខំបន្ដយកអស់ស្មារតីនិងបំណិនរបស់ខ្លួន ដើម្បីបំពេញការងារជូន ប្រជាពលរដ្ឋប្រកបដោយសុឆន្ទៈមោះមុត ដើម្បីសំរេចឱ្យបានតាមអនុសាសន៍ដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី ដែល បានបញ្ជាក់បន្ថែមក្នុងសម័យប្រជុំពេញអង្គគណរដ្ឋមន្ដ្រីកាលពីថ្ងៃទី២៤ ខែសីហា ថ្មីៗកន្លងមកនេះ។ ឆ្លៀតក្នុងឱកាសនោះ លោក បានផ្ដាំផ្ញើដល់ក្រុមយុវជនទាំងអស់ឱ្យយកចិត្ដទុកដាក់ថែរក្សាអនាម័យនិងសុខភាពផ្ទាល់ខ្លួន ព្រោះនឹងត្រូវទៅបន្ដការសិក្សាវិញ នាពេលខាងមុខ ជាមួយនោះត្រូវបន្ដបង្កើនសាមគ្គីភាព ចេះជួយគ្នាទៅវិញទៅមកដូចពាក្យចាស់បានពោលថា នៅផ្ទះម្ដាយទីទៃ នៅព្រៃម្ដាយតែមួយ ។
បន្ទាប់មកឯ.ឧ ច័ន្ទ សារុន ក៏បានប្រគល់ជូនដល់ក្រុមយុវជននូវថវិកាចំនួន៣លានរៀល អង្ករ ៦០០គ.ក្រ ត្រីស្រស់ ៦០ គ.ក្រ សាច់ជ្រូក ១៨គ.ក្រ ទឺកក្រូច ៦កេះ ទឺកសុទ្ធ២០យួរ ផ្លែឈើនិងគ្រឿងឧបភោគ បរិភោគជាច្រើនមុខទៀត។ ក្នុងឱកាស នោះដែរ ឯកឧត្ដមច័ន្ទ សារុន រួមជាមួយឯកឧត្ដមអភិបាលខេត្ដ និងក្រុមយុវជនស្ម័គ្រចិត្ដក៏បានចុះជួយច្រូតស្រូវស្រាលដើមរដូវ ជាមួយកសិករយ៉ាងសប្បាយរីករាយ។
ចេញផ្សាយ ១៩ កញ្ញា ២០២៤ 83
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 85
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 86
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
