ព័ត៌មានផ្សេងៗទៀត
មជ្ឈមណ្ឌលអភិវឌ្ឍន៏កសិកម្មពោធិលាស់នឹងមានអគ្គីសនីនៅពេលឆាប់ៗ
ចេញផ្សាយ ១៥ មករា ២០១៨ 4372
នៅរយះពេលមិនយូរប៉ុន្មាន មជ្ឈមណ្ឌលអភិវឌ្ឍន៏កសិកម្មពោធិលាស់ នឹងមានភ្លើងអគ្គិសនីដើម្បីបម្រើឱ្យស្ថានីយបូមទឹក ដែលអាចមានលទ្ធភាពស្រោចស្រពដីស្រែវស្សា និងប្រាំងជាច្រើនពាន់ហិកតា។
មជ្ឈមណ្ឌលនេះស្ថិតនៅក្នុងឃុំក្រាំងស្វាយ ស្រុកព្រះស្ដេច ខេត្តព្រៃវែង ដែលមានចម្ងាយប្រមាណជា៧៩គីឡូម៉ែត្រពីទីក្រុងភ្នំពេញ ។
លោក ច័ន្ទ សារុន រដ្ឋមន្ដ្រីក្រសួងកសិកម្មរុក្ខាប្រមាញ់ និងនេសាទបានអញ្ជើញទៅកាន់ទីនោះ កាលពីថ្ងៃទី២៧ ខែមីនា ដើម្បីពិនិត្យមើលសកម្មភាពបណ្ដាញអគ្គិសនីបម្រើឱ្យសកភាពរបស់ស្ថានីយដែលកំពុងធ្វើឡើងដោយអគ្គនាយកដ្ឋានកសិកម្ម ។
មកទល់ពេលនេះមជ្ឈមណ្ឌល បានរៀបចំបង្គោលភ្លើង និងដាក់ត្រង់ស្វូរដែលមានកម្លាំង៦៣០KVAរួចជាស្ថាពរ ហើយដែលជំហានបន្ទាប់នៅសល់តែការអូសខ្សែភ្លើងភ្ជាប់តែប៉ុណ្ណោះ ។ ការងារនេះត្រូវបានគេរំពឹងថានឹងបញ្ចប់នាសប្ដាហ៏ក្រោយនេះ។
មន្ដ្រីនៅទីនោះបានឱ្យដឹងថាផ្អែកតាមណែនាំេបស់លោករដ្ឋមន្ដ្រីក្រសួងកសិកម្មនាពេលថ្មីៗកន្លងមកនេះអគ្គនាយកដ្ឋានកសិកម្មបានចុះស្ដារប្រឡាយមេមួយខ្សែដែលមានប្រវែង៣.០០០ម៉ែត្រសម្រាប់បង្ហូរទឹកស្រោចស្រពដល់ដីស្រែនៃដំបន់ទាំងមូល។
មជ្ឈមណ្ឌលអភិវឌ្ឍន៏កសិកម្មពោធិលាស់មានស្ថានីយបូមទឹកមួយដែលបានបង្កើតឡើងវិញក្នុងឆ្នាំ១៩៨៧ ។ស្ថានីយនេះមានតួនាទីយ៉ាងសំខាន់ក្នុងការស្រោចស្រពផ្ទៃដីកសិកម្មចំនួន១.២៥០ហិកតា នៅរដូវវស្សា និងប្រមាណ២០០-៣០០ហិកតានៅរដូវប្រាំង។ នាពេលបច្ចុប្បន្នស្ថានីយបូមទឹកនេះមានសភាពទ្រូឌទ្រោម ទើបក្រសួងកសិកម្ម ដែលមានអគ្គនាយកដ្ឋានកសិកម្មជាសេនាធិការ បានកំពុងតែធ្វើការជួសជុលកែលំអស្ថានីយបូមទឹកនិងស្ដារប្រព័ន្ធស្រោចស្រពនេះឡើងវិញដោយបំពាក់ម៉ូទ័របូមទឹកប្រើដោយចរន្ដអគ្គិសនីចូលក្នុងស្ថានីយបូមទឹក ដោយចំណាយទឹកប្រាក់អស់ជាង១០០លានរៀល។មជ្ឈមណ្ឌលអភិវឌ្ឍន៏កសិកម្មពោធិលាស់ក៏បានរៀបចំពង្រឹងក្រុមប្រើប្រាស់ទឹកឡើងវិញផងដែរ។
ដោយឡែកដោយយល់ពីភាពចាំបាច់ និងធានានូវនិរន្ដភាពការងាររបស់មជ្ឈមណ្ឌលអភិវឌ្ឍន៏កសិកម្មពោធិ
លាស់នេះ នាយកដ្ឋានផ្សព្វផ្សាយនៃអគ្គនាយកដ្ឋានកសិកម្ម បានរៀបចំបង្កើតសហគមន៏កសិកម្មចំនួន២គឺ :សហគមន៏អភិវឌ្ឍន៏កសិកម្មពោធិលាស់សែនជ័យ។ សហគមន៏ទាំងនេះមានគោលបំណងសំខាន់គឺផលិតកម្មស្រូវលក់ដូរ កែច្នៃផលិតផលកសិកម្ម ផ្ដល់សេវាបច្ចេកទេសនិងទីផ្សារកសិកម្មចិញ្ចឹមសត្វ ផ្គត់ផ្គង់សម្ភារៈនិងឧបករណ៏កសិកម្ម ឥណទានកសិកម្មនិងការផ្គត់ផ្គង់ទឹកស្រោចស្រព។
ខណៈពេលពិនិត្យសកម្មភាពនៅទីនោះ លោករដ្ឋមន្ដ្រីបានលើកទឹកចិត្តដល់ក្រុមការងារនៃអគ្គនាយកដ្ឋានកសិកម្មដែលបានបំពេញការងារប្រកបដោយផ្លែផ្កា។ លោកបានជំរុញឱ្យធ្វើការងារនេះកាន់តែឆាប់ថែមទៀតដើម្បីឱ្យសេចក្ដីត្រូវការរបស់កសិករ។ ដើម្បីជាកម្លាំងចិត្តដល់ប្រជាសហគមន៏ដែលបានខិតខំស្ដារភក់នៅក្នុងលូស្ដុកទឹករបស់ក្បាលបូមនៃស្ថានីយបូមទឹកនៅមជ្ឈមណ្ឌលអភិវឌ្ឍន៏កសិកម្មពោធិលាស់ លោករដ្ឋមន្ដ្រីបានឧបត្ថម្ភថវិការចំនួន៤០ម៉ឺនរៀលនិងសារុងចំនួន២០ដល់អ្នកដែលបានខិតខំស្ដារ៕
ចេញផ្សាយ ២១ វិច្ឆិកា ២០២៤ 131
ឯកឧត្តមរដ្ឋមន្រ្តី ឌិត ទីណា អញ្ជេីញជាគណៈអធិបតីក្នុងពិធីប្រកាសចូលកាន់តំណែងប្រធានមន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ
ចេញផ្សាយ ២០ វិច្ឆិកា ២០២៤ 178
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទស្សនកិច្ចរោងចក្រជីវម៉ាស របស់ក្រុមហ៊ុន ប៊ី អ៊ី ស៊ី អាយ អេស (ខេមបូឌា)ឯ.ក
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋលេខាធិការ ប្រាក់ ដាវីដ ទទួលជួបជាមួយ ឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា ក្នុងជំនួបសម្តែងការគួរសម និងពិភាក្សាការងារ
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋមន្ត្រី ឌិត ទីណា អនុញ្ញាតឱ្យអង្គការតុកកែញញឹមកម្ពុជា (Smiling Gecko) ចូលជួបសម្តែងការគួរសម និងពិភាក្សាការងារ
ចេញផ្សាយ ១៩ វិច្ឆិកា ២០២៤ 222
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិនិត្យ និងពិភាក្សាសេចក្តីព្រាង "ពិធីសាររវាងអគ្គរដ្ឋបាលគយចិន និងក្រសួងកសិកម្ម រុក្ខាប្រមាញ់ និងនេសាទ ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន
ចេញផ្សាយ ១៩ វិច្ឆិកា ២០២៤ 220
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយលោកជំទាវ Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបាប្រចាំនៅព្រះរាជាណាចក្រកម្ពុជា
ចេញផ្សាយ ១៨ វិច្ឆិកា ២០២៤ 276
អបអរសាទរ ២៥ឆ្នាំ ភាពជោគជ័យនៃការអភិរក្សក្រពើភ្នំនៅកម្ពុជា! Celebrating 25 years of Siamese crocodile conservation in Cambodia!
ចេញផ្សាយ ១៥ វិច្ឆិកា ២០២៤ 423
ប្រទីបក្រសួងកសិកម្ម រុក្ខាប្រមាញ់ និងនេសាទ បណ្តែតនៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៥ វិច្ឆិកា ២០២៤ 447
អបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៣ វិច្ឆិកា ២០២៤ 458
សត្វផ្សោតមួយក្បាល ប្រទះឃើញស្លាប់នៅស្រុកស្ទឹងត្រង់ ខេត្តកំពង់ចាម ដោយសារវ័យចាស់
ចេញផ្សាយ ១៣ វិច្ឆិកា ២០២៤ 473
ឯកឧត្តមរដ្ឋមន្ដ្រី ឌិត ទីណា ទទួលស្តាប់បទបង្ហាញស្តីពី Cambodia Agriculture Forum & Exhibition (CAFE-2025) របស់អង្គការស្បៀង និងកសិកម្មនៃសហប្រជាជាតិប្រចាំកម្ពុជា (FAO)
