ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អញ្ជើញចូលរួមកិច្ចប្រជុំរដ្ឋមន្ត្រីអាស៊ាន-ចិនលើកទី៥ ស្តីពីកិច្ចសហប្រតិបត្តិការអនាម័យ និងភូតគាមអនាម័យ

ចេញ​ផ្សាយ​ ១៣ កុម្ភៈ ២០១៨ 2658

នៅថ្ងៃទី១០ខែកញ្ញាឆ្នាំ២០១៦ ឯកឧត្ដម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងសហការីបានចូលរួមកិច្ចប្រជុំរដ្ឋមន្រ្តីអាស៊ាន-ចិនលើកទី៥ ស្តីពីកិច្ចសហប្រតិបត្តិការអនាម័យនិងភូគាមអនាម័យ ។ តាមរបៀបវារៈនៃកិច្ចប្រជុំនេះគឺសមាជិកនិងសមាជិការអង្គប្រជុំបានពិនិត្យ និងពិភាក្សា ហើយនិងអនុម័ត្រទៅលើ៖

1) របាយការណ៍ស្តីពីលទ្ធផលនៃកិច្ចសហប្រតិបត្តិការលើផ្នែកអនាម័យនិងភូតគាមអនាម័យរវាងអាស៊ាននិងចិន ។

2) ផែនការសកម្មភាពសហប្រតិបត្តិការរវាងអាស៊ាននិងចិន លើអនាម័យនិងភូតគាមអនាម័យ សម្រាប់ឆ្នាំ២០១៧-២០១៨ ។

3) គាំទ្រទៅលើសំណើ ចំនួន៥ចំណុចដែលបានស្នើឡើងដោយប្រធានអង្គប្រជុំ ឯកឧត្តម Zhi Shuping រដ្ឋមន្រ្តីអគ្គរដ្ឋបាលត្រួតពិនិត្យគុណភាព អធិការកិច្ចនិងចត្តាឡីស័ក នៃសាធារណរដ្ឋប្រជាមានិតចិន ទៅលើការពង្រឹង៖

- កិច្ចសន្ទនានិងប្រាស្រ័យទាក់ទង

- បន្តយន្តការសម្របសម្រួល

- ការតភ្ជាប់គ្នានិងការសម្របសម្រួលពាណិជ្ជកម្មនៅផែទំនិញ

- ការផ្លាស់ប្តូរព័ត៌មានគ្នារវាងសមាជិកអាស៊ាន និងចិន និង

- កិច្ចសហប្រតិបត្តិការបច្ចេកទេស

4) ការគាំទ្រទៅលើសំណើរបស់ភាគីចិនដែលបានស្នើឡើងក្នុងការពង្រឹងនិងជំរុញដាក់អោយដំណើរការនូវគេហទំព័រប្រព័ន្ធទិន្នន័យផ្លាស់ប្តូរបទពិសោធន៍ និងព័ត៌មានពាក់ព័ន្ធ ព្រមទាំងសំណើសកម្មភាពថ្មីធ្វើកិច្ចសហប្រតិបត្តិការមួយចំនួនដែលអាចបង្កលក្ខណៈងាយស្រួលនិងសម្រួលពាណិជកម្មរវាងអាស៊ាននិងចិនដូចជា៖

- លើស្តង់ដារផលិត ផលិតផលកសិកម្ម

- វិញ្ញាបនបត្រអេឡិចត្រូនិចស្តីពីអធិការកិច្ចនិងចត្តាឡីស័ក

- ការត្រួតពិនិត្យនិងបង្ការជម្ងឺសត្វនិងរុក្ខជាតិ។

តាមរយៈនៃការខិតខំប្រឹងប្រែងខាងលើនេះ គឺដើម្បីឈានទៅដល់ការអនុវត្តនៃយន្តការសម្រួលពាណិជ្ជកម្ម ធានាបានសុវត្តិភាពចំណីអាហារ និងរួមចំណែកបង្កើនពាណិជ្ជកម្មរវាងចិននិងអាស៊ានឲ្យបានមួយពាន់ ពាន់លាន ដុល្លារអាមេរិច នៅឆ្នាំ២០២០ ដែលសម្រេចដោយប្រមុខរដ្ឋាភិបាលអាស៊ាននិងចិន។