ឯឧត្តមរដ្ឋមន្រ្តី វេង សាខុន បានអនុញ្ញាតឲ្យលោក Benoit Thierry នាយកគ្រប់គ្រងកម្មវិធីនៅកម្ពុជា ចូលជួបពិភាក្សាការងារ

ចេញ​ផ្សាយ​ ២៦ កុម្ភៈ ២០១៨ 2770

នៅរសៀលថ្ងៃទី១៩ ខែឧសភា ឆ្នាំ២០១៧ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ឯឧត្តមរដ្ឋមន្រ្តី បានអនុញ្ញាតឲ្យលោក Benoit Thierry នាយកគ្រប់គ្រងកម្មវិធីនៅកម្ពុជា និងសហការីបានចូលពិភាក្សាការងារ ផ្តល់របាយការណ៍ពីវន្ឍនភាព និងបញ្ហាប្រឈម នៃការអនុវត្តគម្រោងកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ ។

សូមបញ្ចាក់ថា៖ កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុបានឯកភាពលើ ខ្លឹមសារនៃការអនុវត្តគម្រោងមានរយៈពេលប្រាំពីរឆ្នាំចាប់ពីឆ្នាំ២០១៥-២០២១ និងមានអ្នកទទួលផលចំនួន ១២០ ០០០គ្រួសារ កសិករខ្នាតតូចនៅក្នុងខេត្តគោលដៅចំនួន៥ និងបន្តពង្រីកបន្ថែមចំនួន៥ខេត្តគោលដៅ ទៀតនៅឆ្នាំ២០១៨ ដែលត្រូវប្រើប្រាស់ថវិកាសរុបចំនួន៥២.៤លានដុល្លារអាមេរិករួមមាន

(១) ហិរញ្ញប្បទានឥណទាន 26.1 millions USD (២) ហិរញ្ញប្បទានឥតសំណង14.9 millions USD (៣) ថវិកាបដិភាគរបស់រាជរដ្ឋាភិបាលកម្ពុជា 11,4 millions USD ។ ប្រព័ន្ធគ្រប់គ្រងកម្មវិធីអនុវត្តទៅតាមថវិកាកម្មវិធី ហើយត្រូវបានដឹកនាំអនុវត្តដោយ លេខាធិការដ្ឋាននៃកម្មវិធី ASPIRE ស្ថិតក្រោមក្រសួងកសិកម្ម រុក្ខាប្រមាញ់ និងនេសាទ និងក្រោម ការពិនិត្យនិងផ្តល់ការណែនាំពីគណៈកម្មការដឹកនាំកម្មវិធី (Program Steering Committee) ដែលមាន សហប្រធានមកពីក្រសួងសេដ្ឋកិច្ចនិងហិរញ្ញវត្ថុ និងក្រសួងកសិកម្ម រុក្ខាប្រមាញ់ និងនេសាទ និងមាន សមាជិកអញ្ជើញមកពីឧត្តមក្រុមប្រឹក្សាសេដ្ឋកិច្ចជាតិ ក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ ក្រសួងបរិស្ថាន និងគ.ជ.អ.ប។