ឯកឧត្តមរដ្ឋមន្រ្តី វេង សាខុន និងគណៈប្រតិភូបានអញ្ជើញចុះត្រួតពិនិត្យទីតាំងស្តង់ពិព័រណ៍របស់ក្រសួងកសិកម្ម រុក្ខាប្រមាញ់ និងនេសាទ នៅវិមានអនុស្សាវរីយ៍នយោបាយ ឈ្នះ ឈ្នះ

ចេញ​ផ្សាយ​ ២៧ ធ្នូ ២០១៨ 12315

នៅរសៀលថ្ងៃព្រហស្បត្តិ៍ ៥រោច ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែធ្នូ ឆ្នាំ២០១៨ លោក ជា ច័ន្ទវាសនា ប្រធាននាយកដ្ឋានកិច្ចការរដ្ឋបាល បានអមដំណើរ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងគណៈប្រតិភូរបស់ក្រសួង អញ្ជើញចុះត្រួតពិនិត្យទីតាំងស្តង់ពិព័រណ៍របស់ក្រសួងកសិកម្ម រុក្ខាប្រមាញ់ និងនេសាទ នៅវិមានអនុស្សាវរីយ៍នយោបាយ ឈ្នះ ឈ្នះ មុនពិធីសម្ពោធវិមានអនុស្សាវរីយ៍នយោបាយ ឈ្នះ ឈ្នះ និងអបអរសាទរខួបលើកទី២០ នៃការបញ្ចប់សង្រ្គាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយ ឈ្នះ ឈ្នះ របស់សម្តេចតេជា ហ៊ុន សែន ក្រោមអធិបភាពដ៏ខ្ពង់ខ្ពស់ សម្តេចអគ្គមហាសេនាបតីតេជា ហ៊ុន សែន និងសម្តេចកិត្តិព្រឹទ្ធបណ្ឌិត នាថ្ងៃទី២៩-៣១ ខែធ្នូ ឆ្នាំ២០១៨ខាងមុខ។ ឆ្លៀតក្នុងឱកាសនោះដែរ ឯកឧត្តមរដ្ឋមន្រ្តី ក៏បានអញ្ជើញទស្សនាសកម្មភាពនានាជុំវិញវិមានឈ្នះ ឈ្នះ និងស្តង់ពិព័រណ៍របស់ក្រសួងផ្សេងៗផងដែរ។