ព័ត៌មានផ្សេងៗទៀត
កិច្ចប្រជុំស្តីពីការពង្រឹងកិច្ចសហប្រតិបត្តិការជាមួយអង្គការមិនមែនរដ្ឋាភិបាល NGOs ជាមួយក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ២៥ តុលា ២០១៨ 13788
របាយការណ៍សង្ខេបស្តីពី វឌ្ឍនភាពកិច្ចសហប្រតិបត្តិការជាមួយអង្គការមិនមែនរដ្ឋាភិបាល NGOs ជាមួយក្រសួងកសិកម្ម រុក្ខាប្រមាញ់ និងនេសាទ
ថ្ងៃព្រហស្បតិ៍ ១រោច ខែអស្សុជ ឆ្នាំច សំរឹទ្ធិ ស័ក ព.ស ២៥៦២
រាជធានីភ្នំពេញ, ថ្ងៃទី២៥ ខែតុលា ឆ្នាំ២០១៨
ការងារទូទៅក្នុងក្របខ័ណ្ឌកិច្ចសហការជាមួយ NGOs
- ក្រសួងកសិកម្ម រុក្ខាប្រមាញ់ និងនេសាទ បានជួយសម្របសម្រួល និងទំនាក់ទំនងជាមួយក្រសួងការបរទេស និងសហប្រតិបត្តិការអន្តរជាតិ និងស្ថានប័នពាក់ព័ន្ធផ្សេងៗទៀត លើការងារអង្គការអន្តរជាតិដែលពាក់ព័ន្ធដល់វិស័យកសិកម្ម
- ក្រសួងកសិកម្ម រុក្ខាប្រមាញ់ និងនេសាទ តែងតែបានសម្របសម្រូល និងចូលរួមរាល់សិក្ខាសាលាការងារពិធីការនានា ដែលរៀបចំដោយអង្គការមិនមែនរដ្ឋាភិបាលនានា
- ពិនិត្យ និងសម្របសម្រួលលើរាល់ឯកសារដែលទាក់ទងនឹងកិច្ចការរបស់អង្គការអន្តរជាតិលើវិស័យកសិកម្ម
- រៀបចំសំណុំឯកសារផ្សេងៗ ដែលពាក់ព័ន្ធនិងកិច្ចការ កំណត់ហេតុ អនុស្សារណៈ ពិធីសារ អនុសញ្ញា សន្និសញ្ញា និងកិច្ចព្រមព្រៀងផ្សេងៗ រវាង MAFF និង NGOs
- តាមដាន និងផ្តល់យោបល់លើការអនុវត្តរាល់ខ្លឹមសារពាក់ព័ន្ធជាមួយវិស័យកសិកម្ម ដែលបានចែងក្នុងកំណត់ហេតុ អនុស្សារណៈ ពិធីសារ អនុសញ្ញា និងកិច្ចព្រមព្រៀងដែលបានចុះហត្ថលេខា
- តាមដាន និងផ្តល់យោបល់លើការអនុវត្តគម្រោងសហប្រតិបត្តិការជាមួយអង្គការអន្តរជាតិ។
- កិច្ចការសំខាន់ៗ
- ថ្ងៃទី១៨ ខែសីហា ឆ្នាំ២០១៧ សម្តេចអគ្គមហាសេនាបតីតេជោ បានទទួលចំណារឯកភាពដ៏ខ្ពង់ខ្ពស់លើគោលការណ៍បង្កើតគណៈកម្មការអន្តរក្រសួង និងក្រុមមន្ត្រីទំនាក់ទំនង សម្រាប់ការងារអង្គការអន្តរជាតិ(NGOs)។ កិច្ចការនេះក្រសួងកសិកម្ម រុក្ខាប្រមាញ់ និងនេសាទ បានចាត់តាំងឯកឧត្តម ហ៊ាន វណ្ណហន និងលោកបណ្ឌិត សរ ចិត្រា អមដោយជាមួយលោកបណ្ឌិត ព្រំ សុមានី រួមទាំងសមាជិកសមាជិកា។
- ក្រសួងកសិកម្ម រុក្ខាប្រមាញ់ និងនេសាទ បានរៀបចំកិច្ចប្រជុំចំនួន២លើកជាមួយអង្គការមិនមែនរដ្ឋាភិបាល (NGOs) អង្គភាពជំនាញ និងមន្ទីរកសិកម្ម រុក្ខាប្រមាញ់ និងនេសាទរាជធានី-ខេត្តក្រោមឱវាទក្រសួងកសិកម្ម រុក្ខាប្រមាញ់ និងនេសាទ ដើម្បីពង្រឹងកិច្ចសហប្រតិបត្តិការ និងត្រួតពិនិត្យការអនុវត្តគម្រោង និងសកម្មភាពរបស់អង្គការមិនមែនរដ្ឋាភិបាលទាំងអស់ដែលកំពុងសហការលើវិស័យកសិកម្មនៅកម្ពុជាឱ្យមានសុក្រឹតភាពខ្ពស់។
- គោលការណ៍របស់ក្រសួង
- ដើម្បីពង្រឹងកិច្ចសហប្រតិបត្តិការ និងត្រួតពិនិត្យការអនុវត្តគម្រោង និងសកម្មភាពរបស់អង្គការមិនមែនរដ្ឋាភិបាលទាំងអស់ដែលកំពុងសហការលើវិស័យកសិកម្មនៅកម្ពុជាឱ្យមានសុក្រឹតភាពខ្ពស់ក្រសួងកសិកម្ម រុក្ខាប្រមាញ់ និងនេសាទ បានផ្តល់គោលការណ៍ដូចខាងក្រោមនេះ៖
- គ្រប់ NGOs ទាំងអស់តម្រូវឲ្យមានចុះបញ្ជីនៅក្រសួងការបរទេស និងសហប្រតិបត្តិការអន្តរជាតិឬក្រសួងមហាផ្ទៃ និងចុះ MoU (Memorandum of Understanding) ឬ PA (Project Agreement) អនុវត្តសកម្មភាពជាមួយមន្ទីរឬអង្គភាពជំនាញរបស់ក្រសួង។
- ក្នុងករណីអង្គការ NGOs ផ្តល់ថវិកាទៅឱ្យដៃគូក្នុងស្រុក ដើម្បីអនុវត្តសកម្មភាពបន្តត្រូវធ្វើលិខិតជូនដំណឹងដល់ក្រសួងអំពីឈ្មោះ និងអាសយដ្ឋានជាក់លាក់របស់អង្គការទាំងនោះ និងត្រូវទទួលខុសត្រូវចំពោះភាពអវិជ្ជមាននានាក្នុងការអនុវត្តសកម្មភាពដែលអង្គការដៃគូបានធ្វើ។
- គោលការណ៍របស់ក្រសួង (បន្ត)
- ករណីអង្គកាជាមួយក្រសួងកសិកម្មបន្ទាប់មកត្រូវចុះកិច្ចព្រមព្រៀងលម្អិត ដើម្បីរដែលមាន MoU ជាមួយក្រសួងផ្សេង ប៉ុន្តែមានសកម្មភាពពាក់ព័ន្ធនឹងវិស័យកសិកម្ម អង្គការនោះត្រូវចុះ PA ជាមួយមន្ទីរកសិកម្ម ដើម្បីអនុវត្តការងារ
- MoU ថ្មីត្រូវមានការបញ្ជាក់ឈ្មោះអង្គការដៃគូអនុវត្តឱ្យបានច្បាស់លាស់
- ក្រសួងនឹងរាយការណ៍ជូន MoFAIC និង MOI ដើម្បីមានវិធានការតាមផ្លូវច្បាប់ក្នុងករណីអង្គការអនុវត្តខុសពី MoU
- អង្គការត្រូវធ្វើលិខិតស្នើសុំបន្ត MoU ឬ PA ឱ្យបានមុន ៣ខែ
- ប្រជុំជាមួយអង្គការអន្តរជាតិ(NGOs) រៀងរាល់ ៦ខែម្តង
- ប្រជុំផ្ទៃក្នុងជាមួយអង្គភាពជំនាញ និងមន្ទីររៀងរាល់ ៦ ខែម្តងមុនកិច្ចប្រជុំជាមួយអង្គការអន្តរជាតិ(NGOs)
- ក្រសួងបានឯកភាពឱ្យអង្គភាពជំនាញ និងមន្ទីរទាំងអស់ចាត់តំណាងមន្រ្តីបង្គោល (Focal Point) សម្រាប់កិច្ចសហការជាមួយ NGOs
ការណែនាំអនុវត្តកាតព្វកិច្ចសារពើពន្ធរបស់សមាគម និងអង្គការមិនមែនរដ្ឋាភិបាល
ប្រកាសលេខ៤៦៤ សហវ.ប្រក ចុះថ្ងៃទី១២ ខែមេសា ឆ្នាំ២០១៨ របស់ក្រសួងសេដ្ឋកិច្ច និងហិរញ្ញវត្ថុ
- ប្រកាសនេះមាន ១២ ប្រការ
- មានគោលបំណងពង្រឹងការអនុវត្តកាតព្វកិច្ចសារពើពន្ធរបស់សមាគម និងអង្គការមិនមែនរដ្ឋាភិបាល
- មានគោលដៅផ្តល់ការណែនាំបន្ថែមអំពីការបំពេញកាតព្វកិច្ចសារពើពន្ធរបស់សមាគមនិងអង្គការមិនមែនរដ្ឋាភិបាលស្របទៅ តាមច្បាប់ និងបទប្បញ្ញត្តិស្តីពីពន្ធដារជាធរមាន និងច្បាប់ស្តីពីសមាគម និងអង្គការ NGOs
- សមាគម និងអង្គការ NGOs ត្រូវមានកាតព្វកិច្ចចុះបញ្ជីនៅរដ្ឋបាលសារពើពន្ធ
- ការលើកលែងពន្ធលើប្រាក់ចំណូលដូចមានក្នុងប្រការ ៦
- ការទទួលបាន និងការបាត់បង់លក្ខណសម្បត្តិលើកលែងពន្ធលើប្រាក់ចំណូលដូចមានក្នុងប្រការ ៧
- សកម្មភាពដែលមិនស្ថិតក្នុងគោលដៅសុទ្ធសាធរបស់សមាគមឬអង្គការមិនមែនរដ្ឋាភីបាល ដូចមានចែងក្នុងប្រការ ៨ នៃប្រកាសនេះ
- កាតព្វកិច្ចពន្ធ និងអាករដទៃទៀត (ប្រការ ៩) ក្រៅពីពន្ធលើប្រាក់ចំណូល សមាគម និង NGOs ត្រូវបំពេញកាតព្វកិច្ចជាភ្នាក់ងារកាត់ទុកស្របតាមមាត្រា ២៥ ថ្មី មាត្រា ២៦ ថ្មី(មួយ) និងមាត្រា ៣១ ថ្មី នៃច្បាប់ស្តីពីសារពើពន្ធ និងបង់ពន្ធលើប្រាក់បៀវត្សព្រមទាំងពន្ធនិងអាករដទៃទៀតស្របតាមច្បាប់និងបទប្បញ្ញត្តិស្តីពីពន្ធដារជាធរមាន។
- ការដាក់លិខិតប្រកាសពន្ធ (ប្រការ ១០) ត្រូវដាក់លិខិតប្រកាសពន្ធប្រចាំខែប្រចាំឆ្នាំសម្រាប់សកម្មភាពជាគោលដៅ និងសកម្មភាពអាជីវកម្មដោយឡែកតាមទម្រង់ ពេលវេលា និងទីកន្លែង ដែលរដ្ឋបាលសារពើពន្ធបានកំណត់ទោះបីជាមានឬគ្មានប្រាក់ពន្ធត្រូវបង់ក៏ដោយ។
កិច្ចសហការរវាង MAFF និង NGOs
១- ចំណុចខ្លាំង៖
- មានកិច្ចសហការល្អក្នុងភាពជាដៃគូអភិវឌ្ឍន៍
វិស័យកសិកម្មមានកិច្ចសម្របសម្រួល និងចូលរួមរាល់សកម្មភាពក្នុងការស្នើសុំថែមទាំងផ្តល់ការគាំទ្រ
- អង្គភាពជំនាញ និងមន្ទីរកសិកម្ម រុក្ខាប្រមាញ់ និងនេសាទ ទាំងអស់មានមន្ត្រីបង្គោលសម្រាប់កិច្ចការ NGOs
២- ចំណុចខ្សោយ ៖
- ការចុះត្រួតពិនិត្យ និងវាយតម្លៃការអនុវត្តគម្រោងរួមគ្នានូវមានកម្រិត
- ការផ្តល់ និងទទួលរបាយការណ៍សកម្មភាព និងហិរញ្ញវត្ថុពុំទាន់ឆ្លើយតបតាមតម្រូវការ
៣- ផលលំបាក៖
- ខ្វះមធ្យោបាយចុះ M & E
- សមត្ថភាពមន្ត្រី M & E មានកម្រិត
- មន្រ្តីទំនាក់ទំនង NGOs ខ្លះមិនសូវយល់បែបបទរដ្ឋបាលសាធារណៈ
៤- សំណូមពរ៖
- អនុវត្តខ្លឹមសារក្នុងប្រការ ២.៥ ២.៦ ២.៧ និង ២.៨ នៃកិច្ចព្រមព្រៀងឱ្យមានប្រសិទ្ធភាពខ្ពស់
- ស្នើចាត់តំណាងមន្រ្តីទំនាក់ទំនងច្បាស់លាស់ និងមានលក្ខណសម្បត្តិគ្រប់គ្រាន់
៥- សំនួរ ចម្លើយ និងសំណូមពររបស់ NGOs ៖
