ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម បានអញ្ជើញបើកវគ្គសិក្ខាសាលា ស្តីពី ការប្រើប្រាស់ CAO Farmbook App ដល់មន្ត្រីកសិកម្មឃុំ-សង្កាត់នៅខេត្តកំពត

ចេញ​ផ្សាយ​ ០២ ឧសភា ២០២៤ 1079

នៅថ្ងៃទី០២ ខែឧសភា ឆ្នាំ២០២៤ ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីបើកវគ្គសិក្ខាសាលា ស្តីពី ការប្រើប្រាស់ CAO Farmbook App ដល់មន្ត្រីកសិកម្មឃុំ-សង្កាត់នៅខេត្តកំពត នៅសណ្ឋាគារឌីយ៉ាម៉ង់។

សិក្ខាសាលានេះ បានទទួលការគាំទ្រថវិកាដោយអង្គការ GIZ ហើយធ្វើឡើងក្នុងគោលបំណង ពង្រឹងសមត្ថភាពមន្ត្រីកសិកម្មឃុំ-សង្កាត់ពីការប្រើប្រាស់ CAO Farmbook App  និងអនុវត្តផ្ទាល់ពីការរបៀបនៃការប្រើប្រាស់ និងបញ្ចូលទិន្នន័យក្នុងប្រព័ន្ធ Farmbook App។ តាមរយៈសិក្ខាសាលានេះ មន្រ្តីកសិកម្មឃុំ សង្កាត់ ខេត្តកំពត បានយល់ដឹងកាន់តែច្បាស់ពីវិធីសាស្ត្រក្នុងការបញ្ចូលទិន្នន័យក្នុង CAO Farmbook App តាមរយៈការធ្វើតេស្តសាកល្បងក្នុងការបញ្ចូលទិន្នន័យព័ត៌មានរបស់កសិករក្នុងប្រព័ន្ធ Farmbook App៕