ព័ត៌មានផ្សេងៗទៀត
អំពាវនាវឱ្យកសិករត្រៀមលក្ខណៈឱ្យបានគ្រប់គ្រាន់ក្រោយពេលទឹកស្រក
ចេញផ្សាយ ១៧ មករា ២០១៨ 3002
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានរំលឹកដល់កសិករនៅទូទាំងប្រទេស ក៏ដូចជាមន្ទីរកសិកម្ម ឱ្យមានការត្រៀមលក្ខណៈ ឱ្យបានទុកជាមុន នៅពេលទឹកស្រក បន្ទាប់ពីទឹកជំនន់រួច ។
កាលពីថ្ងៃទី១៧ ខែតុលា ឯកឧត្ដមបណ្ឌិត ច័ន្ទ សារុន រួមជាមួយលោកអនុរដ្ឋលេខាធិការ ទីប្រឹក្សា មន្ដ្រីថ្នាក់ដឹកនាំនាយកដ្ឋានជំនាញមួយចំនួន បានអញ្ជើញចុះពិនិត្យ តំបន់រងគ្រោះ ដោយទឹកជំនន់ នៅស្រុកភ្នំក្រវាញ ស្រុកកណ្ដៀង ស្រុកក្រគរ និងក្រុងពោធិ៏សាត់។
តាមរបាយការណ៏ របស់មន្ទីរកសិកម្ម បានឱ្យដឹងថា នៅទូទាំងស្រុកទាំង៣ និងក្រុង មានផ្ទៃដីប៉ះពាល់សរុបចំនួន៧.៧៦២ហិកតា។ ពិនិត្យជារួមប្រសិនបើទឹកស្រក ក្នុងមួយទៅ២ថ្ងៃខាងមុខនោះ នឹងមិនធ្វើឱ្យប៉ះពាល់ដល់ដំណាំស្រូវទេ។
មានប្រសាសន៏ នាឱកាសនោះ ឯកឧត្ដម បានធ្វើការរំលឹក ដល់មន្ដ្រីរបស់ឯកឧត្ដមថា បើទោះបីយ៉ាងនេះក៏ដោយ មន្ទីរកសិករត្រូវតាមដានសភាពការណ៏នេះ ឱ្យបានខ្ជាប់ខ្ជួន ការពារក្រែងមានបញ្ហាធ្ងន់ និងជាពិសេសត្រូវត្រៀមលក្ខណៈឱ្យបានគ្រប់គ្រាន់នៅពេលទឹកស្រកវិញ ជាពិសេសស្រូវពូជ។
ឯកឧត្ដមរដ្ឋមន្ដ្រីបន្ដថា នៅពេលនេះ មានទឹកភ្លៀងហៀរហូរពេញស្រែ លិចលង់ស្រូវ ប៉ុន្ដែសុំឱ្យបងប្អូនប្រជាកសិករប្រុងប្រយ័ត្ន ទប់ទឹកទុកក្នុងស្រែ ឱ្យបានច្រើន នៅពេលទឹកស្រកទៅវិញ ដើម្បីការពារ ក្រែងជួបនូវបញ្ហាខ្វះទឹក នៅចុងរដូវ ពីព្រោះនេះជាជំនន់ទឹកភ្លៀងហូរចាក់មកពីភ្នំក្រវាញ ជន់លិចស្រែបណ្ដោះអាសន្ន មិនដូចជំនន់ទឹកទន្លេមេគង្គទេ។
ឯកឧត្ដមរដ្ឋមន្ដ្រី ក៏បានកោតសរសើរ ដល់ប្រជាកសិករ ទូទាំងខេត្ដ ដែលបានខិតខំប្រឹងប្រែងបំពេញការងារ ដក់ស្ទូងរួចរាល់ជាស្ថាពរ។ តាមការពិនិត្យជាក់ស្ដែងឃើញថា ស្រូវមានការលូតលាស់បែកគុម្ពបានល្អ សង្ឃឹមថានិងទទួលផលបានច្រើនជាងឆ្នាំ២០០៩។
ឯកឧត្ដមបន្ដថា យើងសប្បាយ ដោយសារសន្ទូងលូតលាស់បានល្អ ប៉ុន្ដែក៏ត្រូវមានប្រុងប្រយ័ត្នក្រែងទឹកហូរអស់ពីស្រែ ដូច្នេះត្រូវនាំគ្នាចុះពិនិត្យស្រែបានជាប់ជាប្រចាំក្រែងមានសត្វល្អិតបំផ្លាញនិងទប់ទឹកទុកក្នុងស្រែ ៕
ចេញផ្សាយ ២១ វិច្ឆិកា ២០២៤ 134
ឯកឧត្តមរដ្ឋមន្រ្តី ឌិត ទីណា អញ្ជេីញជាគណៈអធិបតីក្នុងពិធីប្រកាសចូលកាន់តំណែងប្រធានមន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ
ចេញផ្សាយ ២០ វិច្ឆិកា ២០២៤ 179
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទស្សនកិច្ចរោងចក្រជីវម៉ាស របស់ក្រុមហ៊ុន ប៊ី អ៊ី ស៊ី អាយ អេស (ខេមបូឌា)ឯ.ក
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋលេខាធិការ ប្រាក់ ដាវីដ ទទួលជួបជាមួយ ឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា ក្នុងជំនួបសម្តែងការគួរសម និងពិភាក្សាការងារ
ចេញផ្សាយ ២០ វិច្ឆិកា ២០២៤ 183
ឯកឧត្តមរដ្ឋមន្ត្រី ឌិត ទីណា អនុញ្ញាតឱ្យអង្គការតុកកែញញឹមកម្ពុជា (Smiling Gecko) ចូលជួបសម្តែងការគួរសម និងពិភាក្សាការងារ
ចេញផ្សាយ ១៩ វិច្ឆិកា ២០២៤ 223
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិនិត្យ និងពិភាក្សាសេចក្តីព្រាង "ពិធីសាររវាងអគ្គរដ្ឋបាលគយចិន និងក្រសួងកសិកម្ម រុក្ខាប្រមាញ់ និងនេសាទ ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន
ចេញផ្សាយ ១៩ វិច្ឆិកា ២០២៤ 221
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយលោកជំទាវ Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបាប្រចាំនៅព្រះរាជាណាចក្រកម្ពុជា
ចេញផ្សាយ ១៨ វិច្ឆិកា ២០២៤ 278
អបអរសាទរ ២៥ឆ្នាំ ភាពជោគជ័យនៃការអភិរក្សក្រពើភ្នំនៅកម្ពុជា! Celebrating 25 years of Siamese crocodile conservation in Cambodia!
ចេញផ្សាយ ១៥ វិច្ឆិកា ២០២៤ 425
ប្រទីបក្រសួងកសិកម្ម រុក្ខាប្រមាញ់ និងនេសាទ បណ្តែតនៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៥ វិច្ឆិកា ២០២៤ 450
អបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៣ វិច្ឆិកា ២០២៤ 459
សត្វផ្សោតមួយក្បាល ប្រទះឃើញស្លាប់នៅស្រុកស្ទឹងត្រង់ ខេត្តកំពង់ចាម ដោយសារវ័យចាស់
ចេញផ្សាយ ១៣ វិច្ឆិកា ២០២៤ 474
ឯកឧត្តមរដ្ឋមន្ដ្រី ឌិត ទីណា ទទួលស្តាប់បទបង្ហាញស្តីពី Cambodia Agriculture Forum & Exhibition (CAFE-2025) របស់អង្គការស្បៀង និងកសិកម្មនៃសហប្រជាជាតិប្រចាំកម្ពុជា (FAO)
