ឯកឧត្តម គង់ ច័ន្ទវាសនា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អញ្ជើញចូលរួមកិច្ចប្រជុំ ក្រុមការងារបច្ចេកទេសអន្តរក្រសួងសម្របសម្រួលការរៀបចំផែនការមេដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសពហុបំណង (ក.ប.ស.ផ) លើកទី៧​ នៅខេត្តកំពត​

ចេញ​ផ្សាយ​ ០១ មេសា ២០២៤ 1467

នៅថ្ងៃទី០១ ខែមេសា ឆ្នាំ២០២៤ ដោយមានការអនុញ្ញាតិពីឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និង នេសាទ ឯកឧត្តម គង់ ច័ន្ទវាសនា រដ្ឋលេខាធិការ និងសហការីមកពី​រដ្ឋបាលជលផល​ និងនាយកដ្ឋានកសិ-ឧស្សាហកម្ម​ បានអញ្ជេីញចូលរួមកិច្ចប្រជុំ ក.ប.ស.ផ. លើកទី ៧ នៅខេត្តកំពត​ ដើម្បីផ្តល់មតិយោបល់លើ “សេចក្តីព្រាងរបាយការណ៍ផែនការមេអភិវឌ្ឍបណ្តាខេត្តជាប់ឆ្នេរសមុទ្ររបស់កម្ពុជា​ (ខេត្តកែប​ ខេត្តកំពត​ ខេត្តព្រះសីហនុ​ និងខេត្តកោះកុង)​ ទៅជារបៀងសេដ្ឋកិច្ចពហុបំណង និងប្រទាក់ក្រឡា”។

កិច្ចប្រជុំនេះដឹកនាំដោយ ឯកឧត្តមបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការ ក.ប.ស.ផ ដោយមានការចូលរួមពីតំណាងក្រសួង-ស្ថាប័នពាក់ព័ន្ធ និងដៃគូអភិវឌ្ឍន៍៕