ឯកឧត្តមរដ្ឋមន្រ្តី ឌិត​ ទីណា អញ្ជើញទទួលអំណោយសម្រាប់ចែកជូនជនភៀសសឹកពីក្រុមហ៊ុន​ PK Light Block Co.,Ltd និងក្រុមហ៊ុន​ Synergy Laundry Co.,Ltd

ចេញ​ផ្សាយ​ ១៦ ធ្នូ ២០២៥ 265

នាព្រឹកថ្ងៃទី១៦ ខែធ្នូ​ ឆ្នាំ២០២៥​ ឯកឧត្តម​ ឌិត​ ទីណា​ រដ្ឋមន្រ្តី​ក្រសួងកសិកម្ម​ រុក្ខាប្រមាញ់​ និងនេសាទ​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ​ បានអញ្ជើញទទួលអំណោយសម្រាប់ចែកជូនពុកម៉ែបងប្អូនជនភៀសសឹក​ ពីក្រុមហ៊ុន​ PK Light Block Co.,Ltd និងក្រុមហ៊ុន​ Synergy Laundry Co.,Ltd​។ 
ឯកឧត្តមរដ្ឋមន្រ្តី បានថ្លែងអំណរគុណដល់ក្រុមហ៊ុនទាំង២ ដែលបានចូលរួមឧបត្ថម្ភទឹកដោះគោសម្រាប់កូនក្មេងចំនួន​ ១០០កេស តាមរយៈ​ ឯកឧត្តម​ ថៃ​ សុខា​​​ ដែលនេះជាទឹកចិត្តដ៏សប្បុរស សបញ្ជាក់អំពីមនសិការស្នេហាជាតិ​ដ៏ឧត្តុង្គឧត្តម​ និងធ្លុងមហាសាមគ្គីគ្រួសារខ្មែរ​ ដើម្បីរួមគ្នាជួយសង្គ្រោះប្រជាពលរដ្ឋជនភៀសសឹក ដែលកំពុងស្នាក់នៅក្នុងខេត្តបន្ទាយមានជ័យ។ 
តាងនាមក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ​ និងអាជ្ញាធរខេត្ត​ ឯកឧត្តមរដ្ឋមន្រ្តី នឹងចាត់ចែងអំណោយនេះឱ្យបានដល់ជនភៀសសឹកគ្រប់ៗគ្នា​ និងជូនពរដល់ថ្នាក់ដឹកនាំ​ និងបុគ្គលិកនៃក្រុមហ៊ុន​ PK Light Block Co.,Ltd និងក្រុមហ៊ុន​ Synergy Laundry Co.,Ltd​ ទទួលបានជោគជ័យគ្រប់ភារកិច្ច៕