លទ្ធផលនៃកិច្ចប្រជុំរដ្ឋមន្ត្រីកសិកម្ម និងព្រៃឈើអាស៊ានលើកទី៣៩ នៅទីក្រុងឈៀងម៉ៃ

ចេញ​ផ្សាយ​ ០៣ មីនា ២០១៨ 2496

នៅព្រឹកថ្ងៃទី២៨ ខែកញ្ញា ឆ្នាំ២០១៧ កិច្ចប្រជុំរដ្ឋមន្ត្រីកសិកម្ម និងព្រៃឈើអាស៊ានលើកទី៣៩ នៅទីក្រុងឈៀងម៉ៃ ព្រះរាជាណាចក្រថៃ ត្រូវបានចាប់ផ្តើមក្រោយពីប្រកាសបើកជាផ្លូវការ ក្រោមអធិបតីភាពឯកឧត្តម Prajin Juntong មេបញ្ជាការកងទ័ពអាកាស និងជាឧបនាយករដ្ឋមន្ត្រីនៃព្រះរាជាណាចក្រថៃត្រូវបានបញ្ចប់។ លទ្ធផលសង្ខេបដែលទទួលបានពីកិច្ចប្រជុំរដ្ឋមន្ត្រីកសិកម្ម និងព្រៃឈើអាស៊ានលើកទី៣៩រួមមាន៖

• ឯកភាពផ្លាស់ប្តូរទស្សនៈវិស័យស្តីពីការអភិវឌ្ឍន៍តំបន់ និងការអនុវត្តផែនការយុទ្ធសាស្រ្តសហគមន៍សេដ្ឋកិច្ចអាស៊ាន (AEC) ឆ្នាំ២០២៥ ព្រមទាំងវឌ្ឍនភាពដែលទទួលបាននៅក្នុងវិស័យស្បៀង កសិកម្ម និងព្រៃឈើនៅក្នុងឆ្នាំ ២០១៦-២០១៧។

• មានការពេញចិត្តចំពោះអនុវត្តន៍ផែនការយុទ្ធសាស្ត្រសម្រាប់កិច្ចសហប្រតិបត្ដិការស្បៀង កសិកម្មនិងព្រៃឈើអាស៊ាន )SP-FAF) 2016-2025 អោយបានជោគជ័យ ដោយផ្នែកលើផែនទីទិន្នន័យ និងសូចនាករក្នុងការអនុវត្តសំខាន់ៗ )KPIs) ត្រូវបានបង្កើតឡើងនិងសហការណ៍អនុម័ត

• ឈរលើមូលដ្ឋានទស្សនៈទានជាមួយនឹងការធ្វើកែលម្អរបស់កិច្ចប្រជុំមន្ត្រីជាន់ខ្ពស់ នៃរដ្ឋមន្រ្តីអាស៊ានស្តីពីកសិកម្មនិងព្រៃឈើ ដើម្បីធានាបាននូវធនធានប្រកបដោយប្រសិទ្ធភាពក្នុងការអនុវត្ត SP-FAF និងដើម្បីសម្រេចបាននូវ សន្តិសុខស្បៀង សុវត្ថិភាពអាហារ និងអាហារូបត្ថម្ភសុខដុមនីយកម្មស្តង់ដារកសិកម្ម ការស្រាវជ្រាវនិងអភិវឌ្ឍន៍កសិកម្ម ការបណ្ដុះបណ្ដាល ការលើកកម្ពស់ផ្នែកកសិកម្មនិងសហករណ៍កសិកម្ម សមាហរណកម្មសេដ្ឋកិច្ច ការចូលទីផ្សារនិងការសម្របសម្រួលពាណិជ្ជកម្ម។ ផ្នែកសន្តិសុខស្បៀង

• បន្តគាំទ្រគោលការណ៍ណែនាំតំបន់អាស៊ានស្តីពីគោលនយោបាយសន្តិសុខស្បៀង និងអាហារូបត្ថម្ភជាក្របខ័ណ្ឌទូទៅដើម្បីជួយកិច្ចសហប្រតិបត្តិការពហុវិស័យអាស៊ាន ក្នុងដំណើរការកសាងកិច្ចសហប្រតិបត្តិការសន្ដិសុខស្បៀងនិងអាហារូបត្ថម្ភអោយបានរឹងមាំ និងសមាហរណកម្មនៅក្នុងតំបន់។ ផ្នែកសុវត្ថិភាពម្ហូបអាហារ និងគុណភាពផលិតផលកសិកម្ម

• ក្នុងការធ្វើឱ្យមានសុខដុមនីយកម្មនៃស្តង់ដារម្ហូបអាហារកសិកម្មនិងផលិតផលព្រៃឈើនៅក្នុងតំបន់អាស៊ានដើម្បីធានានូវផលិតផលកសិកម្មអោយមានប្រសិទ្ធភាព គុណភាព និងដើម្បីសម្រួលដល់ពាណិជ្ជកម្មអាស៊ាននៃផលិតផល ឯកសារមួយចំនួនត្រូវបានឯកភាពដូចជា (១) MRLs អាស៊ានដែលមានលក្ខណៈសុខដុមនីយកម្មចំនួនប្រាំពីរ (២) ស្តង់ដារអាស៊ានសម្រាប់ផលិតកម្មសាកវប្បកម្ម និងដំណាំចំណីអាហារដទៃទៀត (៣) យន្តការសម្រាប់ការចុះបញ្ជីយុទ្ធនាការការពារសត្វល្អិតអាស៊ាននិង (៤) ប្រព័ន្ធកំណត់អត្តសញ្ញាណសត្វ និងការចំលងសត្វអាស៊ាន។ ទន្ទឹមនិងនេះ ក្រុមការងារអាស៊ានសម្រាប់ការអភិវឌ្ឍឧបករណ៍ដើម្បីអនុវត្តក្របខ័ណ្ឌបទបញ្ជាសុវត្ថិភាពម្ហូបអាហារអាស៊ាន (AFSRF) ក៏ត្រូវបានបង្កើតផងដែរ។

• បានគាំទ្រភាពជាដៃគូរវាងសាធារណៈជាមួយវិស័យឯកជនក្នុងក្របខ័ណ្ឌតំបន់សម្រាប់ធ្វើការអភិវឌ្ឍបច្ចេកវិទ្យាក្នុងការផលិតស្បៀង កសិកម្ម និងវិស័យព្រៃឈើដើម្បីបង្កើនកិច្ចសហប្រតិបត្តិការលើការវិនិយោគក្នុងការអភិវឌ្ឍបច្ចេកវិទ្យាប្រកបដោយនិរ្តរ ជាមួយនឹងផ្តល់ការគាំទ្រ ផ្សព្វផ្សាយនៅគ្រប់សង្វាក់តម្លៃទាំងមូលនៅក្នុងវិស័យ FAF អាស៊ាន។ ផ្នែកព្រៃឈើ

• មានសេចក្តីរីករាយជាមួយនឹងការរីកចំរើនដែលបានធ្វើឡើងដោយមានកិច្ចសហប្រតិបត្តិការអាស៊ានក្នុងវិស័យព្រៃឈើនៅក្នុងតំបន់នៃការពង្រឹងការគ្រប់គ្រងប្រកបដោយនិរន្តភាពនៃព្រៃឈើ (SFM), វិញ្ញាបនប័ត្រព្រៃឈើ, រុក្ខជាតិនិងជារុក្ខជាតិឱសថ, ផលិតផលព្រៃឈើអភិវឌ្ឍន៍សត្វព្រៃអនុវត្តនិងអនុសញ្ញាស្តីពីពាណិជ្ជកម្មអន្តរជាតិសត្វព្រៃជិតផុតពូជ (CITES) ការអនុវត្ដច្បាប់ព្រៃឈើនិងអភិបាលកិច្ច (FLEG), ព្រៃឈើសង្គមក៏ដូចជាព្រៃឈើនិងការប្រែប្រួលអាកាសធាតុ។ ផ្នែកជលផល

• ធ្វើអោយប្រសើរឡើងក្នុងការគ្រប់គ្រងធនធានជលផល ការប្រយុទ្ធប្រឆាំងនឹងការនេសាទខុសច្បាប់ដែលមិនបានរាយការណ៍ និងមិនមានច្បាប់អនុញ្ញាត )IUU) ក៏ដូចជាការស្តារឡើងវិញធនធានធម្មជាតិ និងការប្រែប្រួលអាកាសធាតុ និងការនេសាទប្រកបដោយនិរន្តរភាពតាមរយះគម្រោងចងក្រងឯកសារអាស៊ានសម្រាប់ការនេសាទសមុទ្រក្នុងតំបន់និងអន្តរតំបន់។ កិច្ចប្រជុំរដ្ឋមន្ត្រីកសិកម្ម និងព្រៃឈើអាស៊ានលើកទី៣៩ត្រូវបានបញ្ចប់នៅវេលាម៉ោង០៤រសៀល និងក្នុងបរិយាកាសសាមគ្គីភាពយ៉ាងល្អប្រសើរ។