ព័ត៌មានផ្សេងៗទៀត
លោក ភុំ រ៉ា អញ្ជើញចូលរួមបើកវគ្គអប់រំសមត្ថភាពវិជ្ជាជីវៈដល់អាជីវករ ដេប៉ូលក់ដុំ.លក់រាយ ថ្នាំកសិកម្ម និងជីកសិកម្មនៅមន្ទីរកសិកម្ម រុក្ខាប្រមាញ់និងនេសាទខេត្តព្រះវិហារ ។
ចេញផ្សាយ ២៣ សីហា ២០២២ 7382
យោងមាត្រា ៨៥ ច្បាប់ស្តីពី ការគ្រប់គ្រងថ្នាំកសិកម្ម ជីកសិកម្ម បងប្អូនអាជីវករដេប៉ូលក់ដុំលក់រាយថ្នាំកសិកម្មជីកសិកម្មតម្រូវឲ្យសិក្សាឆ្លងកាត់វគ្គបណ្តុះបណ្តាលអប់រំសមត្ថភាពវិជ្ជាជីវ:ស្តីពីនីតិវិធី និងវិធានបច្ចេកទេសសម្រាប់ការធ្វើអាជីវកម្មថ្នាំកសិកម្មជីកសិកម្មដើម្បីទទួលបានវិញ្ញាបនប័ត្រក្នុងការធ្វើអាជីវកម្មល្អ។ព្រឹកថ្ងៃចន្ទ ១០រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២២ ខែសីហា ឆ្នាំ២០២២ លោក ភុំ រ៉ា ប្រធាននាយកដ្ឋាននីតិកម្មកសិកម្មនិងសហការីបានចូលរួមធ្វើអធិបតីក្នុងអង្គពិធីនេះ នៅមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ ដោយមានការចូលរួមពីលោកអភិបាលរងខេត្តព្រះវិហារ និងលោកអនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ។សូមជម្រាបថាវគ្គនេះត្រូវបានរៀបចំឡើងស្របតាមប្រកាស រួមរវាងក្រសួងកសិកម្ម រុក្ខាប្រមាញ់ និងនេសាទ និងក្រសួងមហាផៃ្ទ ដែលមានរដ្ឋបាលខេត្ត មន្ទីរកសិកម្ម រុក្ខាប្រមាញ់ និងនេសាទខេត្ត សហការរៀបចំជាមួយ នាយកដ្ឋាននីតិកម្មកសិកម្ម នៃក្រសួងកសិកម្ម រុក្ខាប្រមាញ់ និងនេសាទ ជាអ្នកអនុវត្តន៏។
