ឯកឧត្តម ឃុន សាវឿន រដ្ឋលេខាធិការ ទទួលបន្ទុកខេត្តសៀមរាប អញ្ជើញជាអធិបតី ក្នុងពិធីបើកនិងបិទសន្និបាតបូកសរុបការងារកសិកម្ម រុក្ខាប្រមាញ់ និងនេសាទ ខេត្តសៀមរាប ឆ្នាំ២០២៣ និងលើកទិសដៅការងារឆ្នាំ២០២៤

ចេញ​ផ្សាយ​ ១៥ មករា ២០២៤ 1793

ឯកឧត្តម  ឃុន សាវឿន រដ្ឋលេខាធិការ ទទួលបន្ទុកខេត្តសៀមរាប បានអញ្ជើញជាអធិបតី ក្នុងពិធីបើក និងបិទសន្និបាតបូកសរុបការងារកសិកម្ម រុក្ខាប្រមាញ់ និងនេសាទខេត្តសៀមរាប ឆ្នាំ២០២៣ និងលើកទិសដៅការងារឆ្នាំ២០២៤ នៅថ្ងៃសុក្រ ទី១២ ខែមករា ឆ្នាំ២០២៤។

ដើម្បីរួមចំណែកក្នុងការសម្រេចនូវគោលនយោបាយវឌ្ឍនភាពនៃវិស័យកសិកម្ម

ឯកឧត្តម  ឃុន សាវឿន បានដាក់ចេញ អនុសាសន៍ ៦ចំណុច ជាអាថិ៍ លើកកម្ពស់ផលិតកម្មដំណាំដែលមានសក្តានុពល និងតម្រូវការទីផ្សារ បង្កើនបរិមាណ និងគុណភាពផលិតផលកសិកម្ម តាមរយៈការប្រើប្រាស់បច្ចេកវិទ្យា បច្ចេកទេសក្នុងបរិការណ៍នៃការប្រែប្រួលអាកាសធាតុ ឆ្លើយតបទៅនឹងតម្រូវការទីផ្សារក្នុងស្រុក និងការនាំចេញ, បញ្ចូលបច្ចេកទេសកសិកម្មល្អ (GAP) គួបផ្សំការប្រើប្រាស់ប្រព័ន្ធស្រោចស្រពទឹកដោយទុយោ (ទ្រីប) ក្នុងកាលៈទេសៈ ដែលប្រព័ន្ធធារាសាស្រ្ត មិនទាន់គ្របដណ្តប់លើផ្ទៃដីដាំដុះឲ្យបានទូលាយ (ប្រឡាយទឹកតូចៗ នៅមិនទាន់បានពង្រីកឲ្យដល់ស្រែ ចម្ការរបស់កសិករ), សហការផ្តល់បច្ចេកទេសដាំដុះ ការ គ្រប់គ្រងទឹកនិងដីឲ្យបានល្អប្រសើរ ការគ្រប់គ្រងជីនិងការកម្ចាត់សមាស ភាពចង្រៃ ធ្វើឱ្យដំណាំស្រូវលូតលាស់ល្អ និង ផ្តល់ទិន្នផលខ្ពស់, យកចិត្តទុកដាក់កសាងហេដ្ឋារចនាសម្ព័ន្ធគាំទ្រខ្សែច្រវាក់ផលិតកម្មសត្វសំខាន់ៗ សំដៅធ្វើឱ្យប្រសើរឡើងនូវ   ផលិតភាពនៃផលិតកម្មសត្វ ជាមួយនឹងការលើកទឹកចិត្តវិស័យឯកជន, បន្តពង្រឹងការអភិរក្សធនធានជលផល ជំរុញការអភិវឌ្ឍវារីវប្បកម្ម ដោយលើកទឹកចិត្តកសិករក្នុងការចិញ្ចឹមត្រីតាមស្រះ ក្នុងបែរ ក្នុងតង់ និងក្នុងស្រែ តាមស្ថានភាពជាក់ស្តែង ព្រមទាំងបន្តការងារលែងពូជត្រីក្នុងបឹងធម្មជាតិ, និងជំរុញការដាំនិងស្តារព្រៃឈើដើម្បីបង្កើនគម្របព្រៃឡើងវិញ  ព្រមទាំងពង្រឹងសហគមន៍ព្រៃឈើ កែលម្អរសហគមន៍ព្រៃឈើជាសហគមន៍ទេសចរណ៍ធម្មជាតិ ៕