សហគមន៏កសិកម្មចំនួន១៤ក្នុងខេត្តព្រះវិហារផ្លាស់ប្តូរពូជស្រូវ ដោយជ្រើសរើសធ្វើការដាំដុះពូជស្រូវផ្ការំដួល ដើម្បីទទួលបានភាពសុទ្ឋល្អ និងទិន្នផលខ្ពស់

ចេញ​ផ្សាយ​ ១៩ ឧសភា ២០២៣ 2216

នៅថ្ងៃទី១៥ ខែឧសភា ឆ្នាំ២០២៣ តាមរយៈការអនុវត្តកសិកម្មតាមកិច្ចសន្យា នៅឆ្នាំ២០២៣នេះ សហគមន៏កសិកម្មចំនួន១៤ក្នុងខេត្តព្រះវិហារ បានទទួលពូជស្រូវប្រភេទផ្ការំដួល ពីក្រុមហ៊ុន AMRU Rice Cambodia Co.,Ltd ចំនួន ៥៩,៤០០ Kg ជាពូជសុទ្ឋល្អ នឹងមានទិន្នផលខ្ពស់ ដើម្បីធ្វើការដាំដុះក្នុងរដូវវស្សាឆ្នាំ២០២៣នេះ ក្រោយពេលប្រមូលផលក្រុមហ៊ុនខាងលើប្រមូលទិញវិញទាំងអស់។

រយៈពេល៨ឆ្នាំកន្លងមកហើយ ក្រុមហ៊ុន AMRU Rice បានប្រមូលទិញស្រូវដោយចុះកិច្ចសន្យាផ្ទាល់ជាមួយសហគមន៏កសិកម្ម និងសហភាពសហគមន៏កសិកម្ម រួចកែច្នៃជាម្ហូបអាហារ និងអង្ករ ដឹកជញ្ជូននាំចេញទៅកាន់ទីផ្សារក្នុងប្រទេស និងក្រៅប្រទេសជាច្រើន។