ប្រតិទិនព្រឹត្តិការណ៍

វិច្ឆិកា 2017
ពុ ព្រ សុ អា
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

កសិកម្មលើបណ្តាញ FACEBOOK

ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីភាពក្នុងពិធីផ្តល់អាហារូបករណ៍មូលនិធិស្រាវជ្រាវដល់និស្សិត និងពិនិត្យសមិទ្ធផលរបស់មជ្ឈមណ្ឌលឧត្តមភាពប្រពលវប្បកម្មកសិកម្មនិរន្តភាពនិងអាហារូបត្ថម្ភ

នៅសាកលវិទ្យាល័យភូមិន្ទកសិកម្មនាព្រឹកថ្ងៃទី១៨ ខែតុលា ឆ្នាំ២០១៧ បានរៀបចំពិធីផ្តល់អាហារូបករណ៍មូលនិធិស្រាវជ្រាវដល់និស្សិត និងពិនិត្យសមិទ្ធផលរបស់មជ្ឈមណ្ឌលឧត្តមភាពប្រពលវប្បកម្មកសិកម្មនិរន្តភាពនិងអាហារូបត្ថម្ភ ក្រោមអធិបតីភាពរបស់ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ និងឯកឧត្តម William A. Heidt ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា និងមានការអញ្ជើញចូលរួមពីថ្នាក់ដឹកនាំក្រសួង សាស្រ្តាចារ្យ លោកគ្រូ អ្នកគ្រូ មន្រ្តីរាជការ និងនិស្សិត ភ្ញៀវជាតិនិងអន្តរជាតិប្រមាណ២០០ នាក់។ សូមរំលឹកជូនថាមជ្ឈមណ្ឌលនេះ បានបង្កើតឡើងក្នុងឆ្នាំ២០១៦ ដោយទទួលបានជំនួយឧបត្ថម្ភហិរញ្ញវត្ថុពីទីភ្នាក់ងារសហរដ្ឋអាមេរិកសំរាប់អភិវឌ្ឍន៍អន្តរជាតិ (USAID) សម្រាប់រយពេល ៥ឆ្នាំ(២០១៦-២០២១) ក្នុងគោលបំណងទី១ បង្កើនអនុភាពប្រពលវប្បកម្មនិរន្តរភាព ការងារមន្ទីរ ពិសោធន៍ នវានុវត្តន៍ និងអាហារូបត្ថម្ភ ទី២ អភិវឌ្ឍសមត្ថភាពធនធានមនុស្ស និងស្ថាប័នសាកលវិទ្យាល័យ និងទី៣ បង្កើតឧទ្យានបច្ចេកវិទ្យាកសិកម្មដើម្បីផ្សព្វផ្សាយ។

ឆ្លៀតក្នុងឪកាសនេះក្នុងនាមក្រសួងកសិកម្មរុក្ខាប្រមាញ់ និងនេសាទ និង ឯកឧត្តមផ្ទាល់សូមសម្ដែងនូវការកោតសរសើរចំពោះកិច្ចខិតខំប្រឹងប្រែងរបស់ថ្នាក់ដឹកនាំ មន្រ្តីរាជការ សាស្រ្តាចារ្យ នៃសាកលវិទ្យាល័យភូមិន្ទកសិកម្មនិងអង្គការ USAID ដែលបានបន្តកិច្ចសហការនិងគាំទ្រលើការអនុវត្តគម្រោងដោយទទួលបានលទ្ធផលជាផ្លែផ្កា។ ជាសក្ខីភាពនៅថ្ងៃនេះ សាកលវិទ្យាល័យនិងមជ្ឈមណ្ឌល (Center of Excellence on Sustainable Agricultural Intensification and Nutrition,CE SAIN) បានប្រកាសផ្តល់អាហារូបករណ៍ដល់មន្រ្តីសាស្រ្តាចារ្យនៃសាកល វិទ្យាល័យភូមិន្ទកសិកម្មសម្រាប់បន្តការសិក្សាថ្នាក់បរិញ្ញាជាន់ខ្ពស់ចំនួន៤រូប ថ្នាក់បណ្ឌិតចំនួន៥រូប និងមូលនិធិស្រាវជ្រាវចំនួន៦គម្រោង និងផ្តល់មូលនិធិសម្រាប់ការស្រាវជ្រាវ បច្ចេកទេសវិទ្យាសាស្រ្ត កសិកម្ម ដែលជាសមិទ្ធផលថ្មីមួយបន្ថែមទៀតនៃកិច្ចសហប្រតិបត្តិការអន្តរជាតិរវាងក្រសួងកសិកម្ម រុក្ខាប្រមាញ់ និងនេសាទជាមួយអង្គការ USAID លើការអភិវឌ្ឍធនធានមនុស្សក្នុងវិស័យកសិកម្ម។ កាលពីថ្ងៃទី២២ ខែកញ្ញា ឆ្នាំ២០១៦ ឯកឧត្តមរដ្ឋមន្រ្តី និងឯកឧត្តម William A.Heidt បានចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការរវាងសាកលវិទ្យា ល័យភូមិន្ទកសិកម្មជាមួយ USAID ក្នុងការដាក់ឱ្យដំណើរការមជ្ឈមណ្ឌលឧត្តមភាពប្រពលវប្បកម្មកសិកម្ម និរន្តរភាពនិងអាហារូបត្ថម្ភ (CE SAIN) ហើយនៅថ្ងៃទី០១ ខែសីហា ឆ្នាំ២០១៧ ឯកឧត្តមរដ្ឋមន្រ្តីនិងលោកស្រី Polly Dunford នាយិកា USAID បានចូលរួមជាគណៈ អធិបតី ក្នុងពិធី សម្ពោធដាក់ឱ្យប្រើប្រាស់នូវឧទ្យានបច្ចេកវិទ្យាកសិកម្មនៃមជ្ឈមណ្ឌល ឧត្តមភាពCE-SAIN នេះក្នុងខេត្តបាត់ដំបង។

ឯកឧត្តម William A.Heidt បានជម្រាបជូនអង្គពិធីពីតួនាទីនិងសារប្រយោជន៍នៃមជ្ឈមណ្ឌលដែល បានសង្កត់ធ្ងន់ លើការងារបណ្តុះបណ្តាល ស្រាវជ្រាវ ផ្សព្វផ្សាយ និងអនុវត្តបង្ហាញផ្ទាល់ ធ្វើយ៉ាងណាឲ្យប្រជាកសិករ អាចទទួលយកទៅអនុវត្ត បានសមស្របទៅនឹងស្ថានភាពដី ទឹក អាកាសធាតុ និងទីផ្សារ។ មិនតែប៉ុណ្ណោះ មជ្ឈមណ្ឌលនេះជាកន្លែងជួបជុំអ្នកវិទ្យាសាស្រ្ត អ្នកស្រាវជ្រាវ សាស្រ្តាចារ្យ លោកគ្រូអ្នកគ្រូ សិស្សនិង ប្រជាកសិករ ដោះដូរ ចែករំលែកផ្ទេរចំណេះដឹងនិងបទ ពិសោធន៍ ក្នុងគោលបំណងធ្វើឲ្យប្រសើរឡើងនូវផលិតផលកសិកម្ម ធានាបានទាំងបរិមាណ គុណភាព និងសុវត្ថិភាព សមស្របតាម និន្នាការទីផ្សារពេលបច្ចុប្បន្ន។ ឯកអគ្គរដ្ឋទូតសង្ឈឹមនិងជឿជាក់ថានិស្សិតដែលទទួលបានអាហារូបករណ៍នាថ្ងៃនេះនឹងខិតខំរៀនសូត្រ ស្រាវជ្រាវ ចែករំលែកបទពិសោធន៍ និងផ្សព្វផ្សាយរាល់ចំណេះដឹង ចំណេះធ្វើដែលខ្លួនទទួលបានដល់យុវជនជំនាន់ក្រោយដែលមានសក្តានុពលក្នុងការកសាងប្រទេសជាតិ ធានាឲ្យបាននូវការអភិវឌ្ឍប្រកបដោយនិរន្តរភាពនិងនវានុវត្តន៍។ ក៏ពិតថាកម្ពុជាជាប្រទេសផលិតស្រូវនាំមុខគេក្នុងចំណោមប្រទេសផ្សេងៗក្នុងតំបន់និងក្នុងពិភពលោក តែកម្ពុជាបាននឹងកំពុងនាំចូលផលិតផលបន្លែនិងផ្លែឈើពីប្រទេសជិតខាងរាប់រយលានដុល្លាក្នុងមួយឆ្នាំៗ។

នេះគឺជាឪកាសសម្រាប់និស្សិតដែលទទួលបានអាហារូបករណ៍នាថ្ងៃនេះត្រូវក្តាប់យកឪកាសនេះប្តេជ្ញាចិត្តខិតខំរៀនសូត្រដើម្បីអភិវឌ្ឍកសិកម្ម ឲ្យមានការីកចម្រើនសមស្របតាមស្ថានភាពសេដ្ឋកិច្ច ការប្រែប្រួលអាកាសធាតុ និងការប្រកួតប្រជែងទីផ្សារ។

មានមតិនាឪកាសនេះ ឯកឧត្តមរដ្ឋមន្រ្តីក្នុងនាមឲ្យសាកលវិទ្យាល័យ ក្រសួង និងរដ្ឋាភិបានលោកសូមថ្លែងអំណរគុណ យ៉ាងអនេកជូនចំពោះរដ្ឋាភិបាលសហរដ្ឋអាមេរិកតាមរយៈឯកអគ្គរដ្ឋទូត និងអង្គការ USAID ដែលបានជួយឧបត្ថម្ភទាំងហិរញ្ញវត្ថុ និងបច្ចេកទេស ធ្វើឲ្យមជ្ឈមណ្ឌលលេចចេញជារូបរាងឡើង ថែមទាំងបានផ្តល់អាហារូបករណ៍ដល់និស្សិត និងមន្រ្តីឲ្យបានបន្តការសិក្សាទៅតាមជំនាញ។ ដោយសារចំនួនប្រជាជនមានការកើន ឡើងជាហេតុធ្វើឲ្យសេចក្តីត្រូវការស្បៀងអាហារក៏កើនឡើងផងដែរ ស្របពេលដែលទំហំដីបង្កបង្កើនផលនៅដដែល ការប្រើប្រាស់ដីមិនទាន់មានប្រសិទ្ធភាព និងជាពិសេសការអនុវត្តបច្ចេកវិទ្យាកសិកម្មនៅមានកម្រិត។ ហេតុផលនេះ ការបណ្តុះបណ្តាលធនធានមនុស្ស សិក្សាស្រាវជ្រាវ ផ្សព្វផ្សាយ ផ្ទេរបច្ចេកវិទ្យាឲ្យដល់ដៃប្រជាកសិករ ផ្ទាល់ ដើម្បីធានាបាននូវការផលិតផលិតផលទាំងបរិមាណ គុណភាពនិងសុវត្ថិភាពឆ្លើយតបបានតាម តម្រូវការទីផ្សារ ដែលជាដើមចមនៃថាមពលសេដ្ឋកិច្ចគ្រួសារនិងសេដ្ឋកិច្ចជាតិ។ ក្រសួងមានភារកិច្ចជាច្រើនដែលត្រូវធ្វើ ទាមទាឲ្យថ្នាក់ដឹកនាំ ដៃគូពាក់ព័ន្ធ វិស័យឯកជន ចូលរួមចែករំលែកទាំងចំណេះ ដឹងនិងថវិកាដើម្បីសម្រេចឲ្យបាន និងដើរឲ្យដល់គោលដៅដែលប្រជាពលរដ្ឋចង់បានគឺកសិផលមានទីផ្សារ តម្លៃអាចទទួលយកបាន ពលរដ្ឋមានការងារធ្វើ កាត់បន្ថយចំណាកស្រុកនិងឈានទៅសម្រេចគោលនយោបាយរបស់រាជរដ្ឋាភិបាលដែលបានកំណត់ក្នុងយុទ្ធសាស្រ្តចតុកោណតំណាក់កាលទី៣។ 

២០១៦ រក្សា​​សិទិ្ធគ្រប់​​​យ៉ាង​ដោយ ក្រសួង​កសិកម្ម​ រុក្ខា​ប្រមាញ់​ និង​​នេសាទ
រៀប​ចំ​ដោយ ​មជ្ឈ​មណ្ឌល​ព័ត៌​មាន​ និង​​ឯ​ក​សារកសិកម្ម