មន្ត្រីខុទ្ទកាល័យឯកឧត្តមរដ្ឋមន្ត្រីក្រសួងកសិកម្ម បានឱ្យដឹងថា ឯកឧត្តមបណ្ឌិត ច័ន្ទ សារុន បានអញ្ជើញចូលរួមសម្ពោធសមិទ្ធិផលមួយចំនួននៅឃុំត្រពាំងធំខាងត្បូង ស្រុកត្រាំកក់ ខេត្តតាកែវ។ សមិទិ្ធទាំងនោះ មានទំនប់ទឹកអូរតាម៉ា ទ្វារទឹកប្រព័ន្ធប្រឡាយមួយខ្សែ ប្រវែង១.២៥០ ម៉ែត្រ លូទឹកពីរកន្លែង និងផ្ទះកុមារកំព្រាមួយខ្នង ដែលអំណោយរបស់អង្គការស្ពានកម្ពុជា ហូឡង់។ មន្ត្រីមូលដ្ឋានបានពណ៌នាថា អំណោយទាំងនេះមានសារសំខាន់ណាស់សម្រាប់ ប្រជាជននៅឃុំត្រពាំងធំខាងត្បូន ពិសេសការអភិវឧ្ឃន៏ជនបទមួយនេះ។
លោកភីក ម៉ាស ប្រធានអង្គការស្ពានកម្ពុជា-ហូឡង់ បានលើកឡើងអំពីមូលហេតុ ចម្បងៗ ដែលជំរុញឱ្យអង្គការរបស់លោក ជួយដល់ប្រជាជននៃស្រុកត្រាំកក់ ក៏ដូចជានៅកន្លែ ដទៃទៀត គឺដោយសារពិនិត្យឃើញការខ្វះខាតរបស់ប្រជាជនកម្ពុជា។ លោកបានរំលឹក ថា របបខ្មែរក្រហមបាន-បំផ្លាញជីវិតមនុស្ស និងហេដ្ឋារចនាសម្ព័ន្ធប្រទេសជាច្រើនកន្លែង ដូច នេះដែលទាមទារឱ្យមានការស្តារ និងកសាងឡើងវិញ។
ក្រសួងកសិកម្ម រុក្ខាប្រមាញ់ និងនេសាទ បានខិតខំផ្សព្វផ្សាយយ៉ាងសកម្មអំពីបច្ចេកទេស ប្រព័ន្ធប្រពលវប្បកម្មដំណាំស្រូវតាមគោលការណ៍ធម្មជាតិ (ប.វ.ស) ដែលក្នុងរយៈពេល១១ឆ្នាំចុងក្រោយនេះចំនួនគ្រួសារអនុវត្ត ប.វ.ស បានកើនពី ២៨គ្រួសារ រហូតដល់ ១៣០.០០០គ្រួសារ។ ដោយមូលហេតុនេះ លោក ន័រមែន អាប់ហូហ្វ (Norman Uphoff) សាស្ត្រាចារ្យផ្នែកកសិកម្មអន្តរជាតិ និងរដ្ឋនៃសាកលវិទ្យាល័យ ខ័រនែល (Cornell University) នៃសហរដ្ឋអាមេរិក បានផ្តល់លិខិតទទួលស្គាល់ជាផ្លូវការ ចុះថ្ងៃទី ០៦ ខែកញ្ញា ឆ្នាំ២០១១ អំពីការដឹកនាំ និងការលើកកម្ពស់ ប.វ.ស នៅកម្ពុជាដោយជោគជ័យដល់ ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ។
ឆ្នាំ២០១១ គឺជាឆ្នាំទី៤ នៃការអនុវត្តយុទ្ឋសាស្ត្រចតុកោណដំណាក់កាលទី២ របស់រាជរដ្ឋាភិបាល ក្រោមការដឹកនាំប្រកប ដោយភាពឈ្លាសវៃមុតមាំ និងគតិបណ្ឌិត របស់សមេ្តចអគ្គមហាសេនាបតី តេជោហ៊ុនសែន នាយករដ្ឋមន្រីនៃព្រះរាជាណាចក្រកម្ពុជា។
